​બહાદુરગઢ (હરિયાણા): હરિયાણાના બહાદુરગઢ વિસ્તારમાં પોલીસ અને ગુનેગારો વચ્ચે થયેલી એક આક્રમક અથડામણમાં લોરેન્સ બિશ્નોઈ ગેંગ સાથે સંકળાયેલા બે કુખ્યાત શૂટર્સ ઠાર મરાયા છે. આ બંને ગુનેગારો પર હરિયાણા પોલીસ દ્વારા એક-એક લાખ રૂપિયાનું ઈનામ જાહેર કરવામાં આવ્યું હતું અને તેઓ હાંસીમાં એક જાણીતા જીમ સંચાલકની ઘાતકી હત્યાના મુખ્ય આરોપીઓ તરીકે પોલીસના વોન્ટેડ લિસ્ટમાં ટોચ પર હતા.

​ઘટનાની વિગત મુજબ, બહાદુરગઢમાં પોલીસને બાતમી મળી હતી કે ગેંગસ્ટરોના કેટલાક સાગરિતો વિસ્તારમાં છુપાયા છે. આ માહિતીના આધારે પોલીસે વિસ્તારમાં ઘેરાબંધી કરી સર્ચ ઓપરેશન શરૂ કર્યું હતું. પોલીસની હાજરી જોઈને શૂટર્સ દ્વારા ગોળીબાર શરૂ કરવામાં આવ્યો હતો, જેના વળતા જવાબમાં પોલીસે પણ તાબડતોબ ગોળીબાર કર્યો હતો. આ અથડામણમાં લોરેન્સ બિશ્નોઈ ગેંગના બંને શૂટર્સને ગંભીર ઈજાઓ પહોંચતા તેઓ ઘટનાસ્થળે જ ઢળી પડ્યા હતા, જેમને બાદમાં મૃત જાહેર કરવામાં આવ્યા હતા.

​મારેલા બંને ગુનેગારો લાંબા સમયથી હાંસી પોલીસને ચકમો આપી રહ્યા હતા. જીમ સંચાલકની હત્યા બાદથી જ આ બંને શૂટર્સ પોલીસ માટે માથાનો દુખાવો બની ગયા હતા. પોલીસની આ સફળ કામગીરીને લઈને રાજ્યમાં ચર્ચાનો વિષય બન્યો છે. પોલીસના જણાવ્યા મુજબ, બંને ગુનેગારોના ખાતમાથી બિશ્નોઈ ગેંગને મોટો ફટકો પડ્યો છે.

​અધિકારીઓએ જણાવ્યું હતું કે પોલીસની ટીમે બાતમીને આધારે ખૂબ જ સાવચેતીપૂર્વક આ ઓપરેશન પાર પાડ્યું હતું. અથડામણ બાદ ઘટનાસ્થળ પર ફોરેન્સિક ટીમ અને ઉચ્ચ પોલીસ અધિકારીઓનો કાફલો દોડી આવ્યો હતો. હાલમાં આ સમગ્ર મામલે વધુ તપાસ હાથ ધરવામાં આવી છે અને ગેંગના અન્ય સાગરિતોને પકડવા માટે કાર્યવાહી તેજ કરવામાં આવી છે. રાજ્યમાં કાયદો અને વ્યવસ્થા જાળવવા માટે પોલીસ હવે વધુ આક્રમક વલણ અપનાવી રહી હોવાનું આ એન્કાઉન્ટર પરથી સ્પષ્ટ થઈ રહ્યું છે.