નવી દિલ્હીઃ ભારતના મુખ્ય ન્યાયાધીશ સૂર્યકાન્તે અદાલતની અવમાનના - કન્ટેમપ્ટ ઓફ ધ કેોર્ટ અંગે અત્યંત મહત્ત્વપૂર્ણ સ્પષ્ટતા કરતાં કહ્યું કે આ શક્તિ અદાલતને દબાણના સાધન તરીકે આપવામાં આવી નથી. તેનો હેતુ ન્યાયાલયનું ગૌરવ, સ્વતંત્રતા અને ન્યાયપ્રક્રિયાની પવિત્રતા જાળવવાનો છે.

તેમણે ભારપૂર્વક જણાવ્યું કે અવમાનનાનો અધિકાર અત્યંત ગંભીર અને અસાધારણ છે. તેનો ઉપયોગ અધિકારીઓ ઉપર બિનજરૂરી દબાણ લાવવા, તેમને ધમકાવવા કે કોઈ અનુકૂળ પરિણામ મેળવવા માટે થઈ શકે નહીં. અદાલતના આદેશનું ઇરાદાપૂર્વક ઉલ્લંઘન અને વહીવટી નિર્ણય અંગેનો સામાન્ય વિવાદ એકસરખા ગણાવી શકાય નહીં.

મુખ્ય ન્યાયાધીશની ટિપ્પણી ન્યાયતંત્રની સત્તા સાથે સંયમ અને જવાબદારી પણ જોડાયેલી હોવાનું દર્શાવે છે. અવમાનનાની કાર્યવાહી શરૂ કરતાં પહેલાં આદેશની સ્પષ્ટતા, પાલનની શક્યતા અને કથિત ઉલ્લંઘન પાછળનો ઇરાદો તપાસવો જરૂરી છે. અદાલતની શક્તિ વ્યક્તિગત પ્રતિષ્ઠા માટે નહીં, ન્યાયના નિષ્પક્ષ વહીવટના રક્ષણ માટે છે.