<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Saturday, 21st November 2026

પેરુમાં ૬.૯ની તીવ્રતાના શક્તિશાળી ભૂકંપથી ધરતી ધ્રૂજી: એન્ડીસ પર્વતીય વિસ્તારમાં ભૂકંપનું કેન્દ્ર : રાજધાની લીમા સુધી આંચકા અનુભવાયા, જાનહાનિના તાત્કાલિક અહેવાલ નહીં

લીમા, તા. ૨૧ : દક્ષિણ અમેરિકાના પેરુ દેશમાં શક્તિશાળી ભૂકંપ આવતાં અનેક વિસ્તારોમાં લોકો ગભરાઈ ગયા હતા. અમેરિકન ભૂસ્તર સર્વેક્ષણ સંસ્થા અનુસાર ભૂકંપની પ્રાથમિક તીવ્રતા રિક્ટર સ્કેલ ઉપર ૬.૯ નોંધાઈ હતી.

ભૂકંપનું કેન્દ્ર મધ્ય પેરુના જુનિન પ્રદેશમાં ઓન્ડોરેસ શહેરથી આશરે ૨૨ કિલોમીટર પશ્ચિમ-વાયવ્ય દિશામાં નોંધાયું હતું. ભૂકંપની ઊંડાઈ અંદાજે ૧૪૨ કિલોમીટર હતી.

સ્થાનિક સમય પ્રમાણે શુક્રવારે સાંજે ૭.૦૯ વાગ્યે ભૂકંપ આવ્યો હતો. આંચકાઓ રાજધાની લીમા સુધી અનુભવાતાં કેટલાક લોકો ઘરો અને ઇમારતોમાંથી બહાર નીકળી આવ્યા હતા.

ભૂકંપ પછી તાત્કાલિક પ્રાપ્ત થયેલા અહેવાલોમાં જાનહાનિ કે મોટાપાયે નુકસાનની વિગતો સામે આવી નહોતી.

અમેરિકાના સુનામી ચેતવણી કેન્દ્રે આ ભૂકંપના પગલે સુનામીની કોઈ ચેતવણી જાહેર કરી નહોતી. અલગ અલગ ભૂકંપ માપન સંસ્થાઓએ પ્રાથમિક તીવ્રતામાં થોડો તફાવત દર્શાવ્યો હતો. ભૂકંપપ્રવણ એન્ડીસ વિસ્તારમાં આવેલા પેરુમાં ધરતીકંપના આંચકા અવારનવાર અનુભવાય છે. 

(9:39 AM IST)