*અમેરિકાના ઉપરાષ્ટ્રપતિ જેડી વેન્સની પાકિસ્તાનના ઇસ્લામાબાદની મુલાકાત અનિશ્ચિત સમય માટે મોકૂફ રાખવામાં આવી, ઇરાન સાથેની મંત્રણામાં મોટો અવરોધ ઉભો થતા પ્રવાસ રદ કરાયો : અમેરિકાના ઉપરાષ્ટ્રપતિ જેડી વેન્સ આગામી બુધવારે પાકિસ્તાનના ઇસ્લામાબાદની મુલાકાતે જવાના હતા, જે મુલાકાત હવે અનિશ્ચિત સમય માટે ટાળી દેવામાં આવી છે. એક્સિઓસના પત્રકાર બરાક રાવિદને અમેરિકન સૂત્રો પાસેથી મળેલી માહિતી મુજબ, ઇરાને મંત્રણામાંથી ખસી જવાનો નિર્ણય લેતા આ પ્રવાસ રદ થયો છે. ઇરાનના આંતરિક વહીવટમાં ચાલી રહેલા વિવાદો અને વિભાજનને કારણે આ પરિસ્થિતિ સર્જાઈ છે. ઇસ્લામાબાદમાં ઇરાન સાથે જે મહત્વપૂર્ણ સમજૂતીઓ થવાની હતી, તેના પર હવે પ્રશ્નાર્થ ચિહ્ન લાગી ગયું છે. આ પ્રવાસ રદ થતા દક્ષિણ એશિયાના રાજદ્વારી વર્તુળોમાં આશ્ચર્ય ફેલાયું છે.

*ઇરાનની સરકારી ન્યૂઝ એજન્સી તસ્નીમ દ્વારા સત્તાવાર પુષ્ટિ: ઇસ્લામાબાદ ખાતે યોજાનારી શાંતિ મંત્રણામાં ઇરાનનું કોઈ પણ પ્રતિનિધિમંડળ ભાગ લેવા માટે મોકલવામાં આવશે નહીં : ઇરાનની સત્તાવાર સમાચાર સંસ્થા તસ્નીમ ન્યૂઝ એજન્સીએ સ્પષ્ટ કર્યું છે કે ઇસ્લામાબાદમાં આ અઠવાડિયે યોજાનારી શાંતિ મંત્રણામાં ઇરાનની કોઈ ટીમ જોડાશે નહીં. ઇરાને આ નિર્ણયને 'અંતિમ' ગણાવ્યો છે. પાકિસ્તાનના મધ્યસ્થી દ્વારા અમેરિકાને આ બાબતની જાણ કરી દેવામાં આવી છે. ઇરાની પ્રતિનિધિમંડળ બુધવારે હાજર રહેશે નહીં અને હાલમાં કોઈ પણ પ્રકારની મંત્રણામાં જોડાવાની કોઈ શક્યતા દેખાતી નથી. વિવિધ કારણોસર ઇરાને આ મંત્રણાથી દૂરી બનાવી લીધી છે, જેનાથી અમેરિકાના શાંતિ પ્રયાસોને મોટો ફટકો પડ્યો હોવાનું માનવામાં આવે છે.

*ઈરાનને સંકેતો મળ્યા, અમેરિકા ઇરાનના દરિયાકાંઠાના વિસ્તારો અને બંદરો પર લાદવામાં આવેલી નાકાબંધી હટાવવાની તૈયારી કરી રહ્યું છે: યુનોમાં ઇરાનના રાજદૂત અમીર સઈદ ઇરાવાનીનુ તડ ને ફડ: વોશિંગ્ટન દ્વારા આ નાકાબંધીનો અંત લાવવામાં આવશે, તે સાથે જ ઇસ્લામાબાદમાં મંત્રણાનો આગામી રાઉન્ડ શરૂ થશે: હવે બોલ અમેરિકાના કોર્ટમાં : સંયુક્ત રાષ્ટ્રમાં ઇરાનના રાજદૂત અમીર સઈદ ઇરાવાનીએ મંગળવારે જણાવ્યું હતું કે ઇરાનને એવા સંકેતો મળ્યા છે કે અમેરિકા ઇરાનના દરિયાકાંઠાના વિસ્તારો અને બંદરો પર લાદવામાં આવેલી નાકાબંધી હટાવવાની તૈયારી કરી રહ્યું છે. ઇરાવાનીએ સ્પષ્ટ શબ્દોમાં કહ્યું છે કે વોશિંગ્ટન દ્વારા આ નાકાબંધીનો અંત લાવવામાં આવશે, તે સાથે જ ઇસ્લામાબાદમાં મંત્રણાનો આગામી રાઉન્ડ શરૂ થશે. આમ, ઇરાને હવે બોલ અમેરિકાના કોર્ટમાં નાખ્યો છે. જ્યાં સુધી આર્થિક અને ભૌગોલિક પ્રતિબંધોમાં રાહત નહીં મળે, ત્યાં સુધી ઇરાન મંત્રણાના મેજ પર પાછું ફરવા તૈયાર નથી તેમ જણાય છે.

*ઇરાન મુદ્દે અમેરિકાના વ્હાઇટ હાઉસમાં હાઈ-પ્રોફાઈલ નીતિવિષયક બેઠક મળી: ઉપરાષ્ટ્રપતિ જેડી વેન્સ સાથે માર્કો રુબિયો અને પીટ હેગસેથ સહિતના ટોચના નેતાઓ હાજર રહ્યા : સીએનએન ના અહેવાલ મુજબ, ઇરાન સાથેની મંત્રણામાં આવેલા અવરોધ બાદ વ્હાઇટ હાઉસમાં કટોકટીની બેઠક બોલાવવામાં આવી હતી. આ બેઠકમાં ઉપરાષ્ટ્રપતિ જેડી વેન્સ, વિદેશ મંત્રી માર્કો રુબિયો, સંરક્ષણ મંત્રી પીટ હેગસેથ અને જેરેડ કુશનર ઉપસ્થિત રહ્યા હતા. મધ્ય પૂર્વ માટેના વિશેષ દૂત સ્ટીવ વિટકોફ પણ આ ચર્ચામાં જોડાયા હતા. અમેરિકાની આગામી રણનીતિ શું હશે અને ઇરાનના પીછેહઠના નિર્ણય સામે કેવા પગલાં લેવાશે તે અંગે ગંભીર મંથન કરવામાં આવ્યું હતું. વ્હાઇટ હાઉસના આ મહત્વના નેતાઓની હાજરી સૂચવે છે કે અમેરિકા ઇરાન મામલાને ગંભીરતાથી લઈ રહ્યું છે.

*ઇરાનના અચાનક પીછેહઠના નિર્ણયથી પાકિસ્તાનના પ્રયાસો પર પાણી ફરી વળ્યું: પાકિસ્તાનના માધ્યમથી ઇરાને અમેરિકાને મોકલ્યો સંદેશ, તેઓ આ અઠવાડિયે શાંતિ મંત્રણામાં ભાગ લેશે નહીં: ઇસ્લામાબાદમાં રાજદ્વારી હિલચાલ તેજ બની, પાકિસ્તાનની મધ્યસ્થીની ભૂમિકા હવે કસોટીની એરણે : ઇરાન અને અમેરિકા વચ્ચેની મડાગાંઠ ઉકેલવા માટે પાકિસ્તાન મધ્યસ્થીની ભૂમિકા ભજવી રહ્યું હતું. ઇરાને પાકિસ્તાની મધ્યસ્થી દ્વારા જ અમેરિકાને જાણ કરી છે કે તેઓ આ અઠવાડિયે મંત્રણામાં ભાગ લેશે નહીં. પાકિસ્તાનના ઇસ્લામાબાદમાં મંત્રણા માટેની તમામ તૈયારીઓ પૂર્ણ કરી લેવામાં આવી હતી, પરંતુ ઇરાનના અચાનક પીછેહઠના નિર્ણયથી પાકિસ્તાનના પ્રયાસો પર પાણી ફરી વળ્યું છે. જોકે, પાકિસ્તાન હજુ પણ બંને દેશોને વાટાઘાટોના મેજ પર લાવવા માટે પડદા પાછળ પ્રયાસો કરી રહ્યું હોવાનું ડિજિટલ મીડિયાના અહેવાલો જણાવી રહ્યા છે.

*ઇરાનની રાજધાની તેહરાનમાં સત્તાના કેન્દ્રો વચ્ચે સર્જાયેલા મતભેદોને કારણે શાંતિ પ્રક્રિયા ખોરવાઈ: જેડી વેન્સનો પ્રવાસ મોકૂફ રાખવા પાછળ આંતરિક વિખવાદ મુખ્ય કારણ : અમેરિકા સાથેની મંત્રણામાંથી ખસી જવા પાછળ ઇરાનનું આંતરિક રાજકારણ જવાબદાર હોવાનું બહાર આવ્યું છે. તેહરાનમાં રહેલા શાસક વર્ગોમાં અમેરિકા સાથે કેવા પ્રકારના સંબંધો રાખવા તે મુદ્દે ભારે વિભાજન જોવા મળી રહ્યું છે. આ વિભાજનને કારણે જ ઇરાની પ્રતિનિધિમંડળ ઇસ્લામાબાદ જવા તૈયાર થયું નથી. એક્સિઓસના અહેવાલ મુજબ, તેહરાનની આ આંતરિક ખેંચતાણને કારણે અમેરિકાના ઉપરાષ્ટ્રપતિ જેડી વેન્સને પણ પોતાનો પ્રવાસ મોકૂફ રાખવાની ફરજ પડી છે. જ્યાં સુધી ઇરાન પોતાના આંતરિક પ્રશ્નો ઉકેલશે નહીં, ત્યાં સુધી મંત્રણા આગળ વધવી મુશ્કેલ છે.

**ઇરાન સાથેની વાટાઘાટોમાં જેરેડ કુશનર અને સ્ટીવ વિટકોફની સક્રિયતા વધી, વ્હાઇટ હાઉસમાં મળેલી બેઠકમાં મધ્ય પૂર્વની શાંતિ માટે નવી બ્લુપ્રિન્ટ તૈયાર કરવામાં આવી : વ્હાઇટ હાઉસમાં મળેલી ઇરાન વિષયક બેઠકમાં જેરેડ કુશનર અને સ્ટીવ વિટકોફની હાજરીએ સૌનું ધ્યાન ખેંચ્યું છે. જેરેડ કુશનર અગાઉ પણ મધ્ય પૂર્વના દેશો સાથેના સંબંધોમાં મહત્વની ભૂમિકા ભજવી ચૂક્યા છે. સ્ટીવ વિટકોફ, જેઓ મધ્ય પૂર્વ માટે અમેરિકાના વિશેષ દૂત છે, તેઓ ઇરાન પરના પ્રતિબંધો અને નાકાબંધી અંગે નવા પ્રસ્તાવ તૈયાર કરી રહ્યા હોવાનું મનાય છે. અમેરિકા હવે ઇરાનને ફરી મંત્રણામાં લાવવા માટે આર્થિક રાહતો કે અન્ય કોઈ રાજદ્વારી માર્ગ અપનાવી શકે છે, જેની ચર્ચા આ હાઈ-લેવલ મીટિંગમાં કરવામાં આવી હતી.

*ઇરાને ઇસ્લામાબાદ મંત્રણામાંથી ખસી જવાનો નિર્ણય 'અંતિમ' ગણાવતા શાંતિ પ્રક્રિયા પર જોખમ: આગામી સમયમાં અમેરિકાની નાકાબંધી નીતિમાં ફેરફાર થવાની સંભાવના: રાજદ્વારી દરવાજા સાવ બંધ થયા નથી : પાકિસ્તાનના ઇસ્લામાબાદમાં યોજાનારી 'ઇસ્લામાબાદ ટોક્સ' હવે અનિશ્ચિતતાના વાદળોમાં ઘેરાઈ ગઈ છે. ઇરાને જ્યારે આ નિર્ણયને ફાઈનલ કહ્યો છે, ત્યારે હવે આશા માત્ર અમેરિકાના પગલાં પર ટકેલી છે. જો અમેરિકા ઇરાની બંદરો પરથી નાકાબંધી હટાવે તો જ મંત્રણાની ફરી શરૂઆત થઈ શકે તેમ છે. આ આંતરરાષ્ટ્રીય ગતિરોધને કારણે તેલના ભાવો અને મધ્ય પૂર્વની સુરક્ષા પર પણ અસર પડી શકે છે. હાલમાં તો જેડી વેન્સની મુલાકાત રદ થતા આખી શાંતિ પ્રક્રિયા ઠપ્પ થઈ ગઈ હોય તેમ જણાય છે, પરંતુ ડિજિટલ પ્લેટફોર્મ પરની વિગતો મુજબ રાજદ્વારી દરવાજા સાવ બંધ થયા નથી.