<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Friday, 20th November 2026

લગ્ન અને પ્રવાસ માટે ટ્રેનોમાં સીટોની કોઈ અછત રહેશે નહીં: રેલ્‍વેએ ગ્રુપ ટિકિટ પર બર્થ મર્યાદા નાબૂદ કરી

રેલ્‍વેએ બલ્‍ક અને ગ્રુપ ટિકિટ બુકિંગ માટેના જૂના નિયમોમાં મોટો ફેરફાર કર્યો છે, એકસાથે બુક કરી શકાય તેવી બર્થની મહત્તમ મર્યાદાને સંપૂર્ણપણે દૂર કરી દીધી : ગ્રુપ ટિકિટ બુકિંગ માટે અરજીઓ સવારે ૯ વાગ્‍યાથી રિઝર્વેશન કેન્‍દ્રો પર સ્‍વીકારવામાં આવશે

નવી દિલ્‍હી,તા.૨૦: લગ્ન, યાત્રાધામો, શાળા-કોલેજ શૈક્ષણિક પ્રવાસો, રમતગમત સ્‍પર્ધાઓ અથવા સાંસ્‍કૃતિક કાર્યક્રમો માટે મુસાફરી કરતા લોકો મોટી સંખ્‍યામાં ટ્રેન ટિકિટ બુક કરાવે છે. આના કારણે ઘણીવાર સીટો ન મળવાની સમસ્‍યા સર્જાય છે. પરંતુ હવે રેલ્‍વેએ નિયમોને નોંધપાત્ર રીતે સરળ બનાવ્‍યા છે. દક્ષિણ પヘમિ રેલ્‍વે (SWR) એ બલ્‍ક અને ગ્રુપ ટિકિટ બુકિગ માટેના જૂના નિયમોમાં મોટો ફેરફાર કર્યો છે, એકસાથે બુક કરી શકાય તેવી બર્થની મહત્તમ મર્યાદાને સંપૂર્ણપણે દૂર કરી દીધી છે. આ નિર્ણયથી ગ્રુપ મુસાફરોને તેમની ટિકિટ કન્‍ફર્મ કરવામાં અને એક જ ટ્રેનમાં તેમની મુસાફરીનું આયોજન કરવામાં ઘણી સુવિધા મળશે.

દક્ષિણ પヘમિ રેલ્‍વેના મુખ્‍ય જનસંપર્ક અધિકારી (સીપીઆરઓ) ડો. મંજુનાથ કાનમાડીના જણાવ્‍યા અનુસાર, વિભાગે આ સંદર્ભમાં એક નવો વાણિજ્‍યિક પરિપત્ર જારી કર્યો છે, જેમાં અગાઉની બધી માર્ગદર્શિકામાં સુધારો કરવામાં આવ્‍યો છે. નવા નિયમો હેઠળ, મુખ્‍ય રિઝર્વેશન કેન્‍દ્રો પર સવારે ૯ વાગ્‍યાથી ગ્રુપ ટિકિટ બુકિગ અરજીઓ સ્‍વીકારવામાં આવશે. આ સમય સામાન્‍ય મુસાફરો માટે એડવાન્‍સ રિઝર્વેશન પિરિયડ (એઆરપી) ખુલ્‍યાના બરાબર એક કલાક પછી નક્કી કરવામાં આવ્‍યો છે.

સૌથી મોટી રાહત એ છે કે હવે ચીફ રિઝર્વેશન સુપરવાઇઝર (સીઆરએસ) અને સ્‍ટેશન મેનેજર (એસએમ) કોઈપણ નિヘતિ બર્થ મર્યાદા વિના ગ્રુપ બુકિગને સીધી મંજૂરી આપી શકશે. આ સુવિધા તમામ વર્ગના કોચમાં ઉપલબ્‍ધ રહેશે, પછી ભલે ટિકિટ કન્‍ફર્મ હોય, આરએસી હોય કે વેઇટલિસ્‍ટ હોય.

રેલ્‍વે વહીવટીતંત્રે એ પણ સ્‍પષ્ટતા કરી છે કે આ યોજના ફક્‍ત ખરેખર જરૂરિયાતમંદ જૂથોને જ લાભ આપશે, અને કાળાબજારી અથવા બર્થ-પ્રિવેન્‍શનના કોઈપણ પ્રયાસો પર સખત પ્રતિબંધ રહેશે. ગ્રુપ બુકિગ માટે અરજદારોએ તેમની વિનંતીઓ સીધી અધિકૃત રેલ્‍વે અધિકારીને સબમિટ કરવી આવશ્‍યક છે.

વિદેશી પ્રવાસીઓ અને બિન-નિવાસી ભારતીયો (NRIs) સિવાય, ટ્રાવેલ એજન્‍ટો દ્વારા સબમિટ કરાયેલી અરજીઓ સ્‍વીકારવામાં આવશે નહીં. અરજીમાં મુસાફરીના હેતુનું સ્‍પષ્ટ નિવેદન, તમામ મુસાફરોના સંપૂર્ણ નામ, ઉંમર, લિગ અને સરનામાની જરૂર છે.

મુસાફરોની સુવિધા માટે, રેલ્‍વેએ સમાન રિઝર્વેશન ઓફિસમાંથી પરત મુસાફરી માટે ગ્રુપ બુકિગને પણ મંજૂરી આપી છે, જોકે આને એક અલગ બુકિગ તરીકે ગણવામાં આવશે અને અલગ ઔપચારિકતાઓની જરૂર પડશે. પારદર્શિતા જાળવવા માટે, સ્‍ટેશન મેનેજર અથવા રિઝર્વેશન સુપરવાઇઝર તમામ મંજૂર ગ્રુપ બુકિગનું એક અલગ રજિસ્‍ટર જાળવશે અને અરજી ફોર્મ અને મુસાફરોની યાદીના દરેક પૃષ્ઠ પર તેમની સીલ અને સહી લગાવશે. હાલમાં, આ સુધારેલી સિસ્‍ટમ દક્ષિણ પヘમિ રેલ્‍વે ઝોનમાં લાગુ કરવામાં આવી છે, જેનો સીધો લાભ આ પ્રદેશના હજારો મુસાફરોને મળવાની અપેક્ષા છે.

(10:12 AM IST)