મુંબઈ: શિવસેના (ઉદ્ધવ બાળાસાહેબ ઠાકરે)ના વડા ઉદ્ધવ ઠાકરેએ મુખ્ય ચૂંટણી કમિશનર જ્ઞાનેશ કુમારને પદ પરથી દૂર કરી તેમની સામે કાર્યવાહી કરવાની માગ કરી છે. ચૂંટણી પંચના અન્ય બે કમિશનરો સુખબીર સિંહ સંધુ અને વિવેક જોશીએ મતદારયાદી સંબંધિત નિર્ણયો અંગે દસ મહિનામાં ઓછામાં ઓછા ૧૪ વખત વાંધા નોંધાવ્યાનો અહેવાલ બહાર આવ્યા પછી તેમણે આ નિવેદન આપ્યું. ઠાકરેએ મહારાષ્ટ્ર, પશ્ચિમ બંગાળ અને તામિલનાડુ સહિત એસઆઈઆર બાદ થયેલી ચૂંટણીઓ અંગે પણ સવાલ ઉઠાવ્યા અને જૂની મતદારયાદીના આધારે ફરી ચૂંટણી યોજવાની માગ કરી. ચૂંટણી પંચ તરફથી આ રાજકીય આરોપોને સ્વીકારવામાં આવ્યા નથી.