વોશિંગ્ટન : મંગળવારે પત્રકારો સાથે વાતચીત દરમિયાન યુએસ પ્રમુખ ડોનાલ્ડ ટ્રમ્પે ગૂગલના સીઈઓ સુંદર પિચાઈ વિશે એક અનોખી ટિપ્પણી કરતાં તેમને અસાધારણ પ્રતિભાશાળી અર્થાત્ 'મોન્સ્ટર' કહ્યા હતા અને તેઓ પ્રસિદ્ધિના ઝાકઝમાળથી દૂર રહે છે તેવી પ્રશંસા કરી હતી.

આ રસપ્રદ વાતચીત ત્યારે શરૂ થઈ જ્યારે ટ્રમ્પે પિચાઈને બોલવા માટે આમંત્રિત કર્યા હતા, પરંતુ જેવો ગૂગલના સીઈઓએ પ્રતિક્રિયા આપવાનું શરૂ કર્યું, ત્યાં જ ટ્રમ્પે તેમને અટકાવીને વ્હાઇટ હાઉસમાં હાજર અધિકારીઓના કદ અને મહત્વ વિશે વાત કરી હતી.

પિચાઈ તરફ જોઈને ટ્રમ્પે કહ્યું કે, આ માણસ એક 'મોન્સ્ટર' છે અને કોઈ તેમને ઓળખતું પણ નથી, અને આ પ્રકારે કોઈપણ ઝંઝટમાંથી પસાર ન થવું પડે તેવું જીવન કેટલું સરસ છે તેમ ઉમેર્યું હતું.

આ વાતનો હળવાશભર્યા અંદાજમાં જવાબ આપતા પિચાઈએ જણાવ્યું હતું કે, આશા છે કે 'આઈ એમ અ મોન્સ્ટર' વાળી ટૅગલાઇન કરતાં આ વધુ સારી ટૅગલાઇન સાબિત થશે, જ્યારે કોર્પોરેટ જગતમાં આલ્ફાબેટના વિશાળ પ્રભાવ માટે અગાઉ પણ આવા શબ્દોનો ઉપયોગ થતો રહ્યો છે.