રાજકોટ સરકારી આયુર્વેદિક હોસ્પિટલ ખાતે ૧૨મા આંતરરાષ્ટ્રીય યોગ દિવસની ઉત્સાહભેર ઉજવણી સંપન્ન : આયુર્વેદિક હોસ્પિટલના વડા વૈદ્યશ્રીમતી ચૈતાલીબેન પરમાર અને ટિમ દ્વારા શિસ્તબદ્ધ આયોજન
આયુષ ડાયરેક્ટર વૈદ્ય જયેશભાઈ પરમાર અને કોર્પોરેટર જયસુખભાઈ કાથરોટીયાની વિશેષ ઉપસ્થિતિમાં ૧૭૦થી વધુ નાગરિકોએ કર્યો સામૂહિક યોગાભ્યાસઃ શિબિરાર્થીઓ માટે એનર્જી ડ્રિંકનું વિતરણ કરાયું
રાજકોટઃ આંતરરાષ્ટ્રીય યોગ દિવસ નિમિત્તે રાજકોટ શહેરની સરકારી આયુર્વેદ હોસ્પિટલ ખાતે ૧૨મા વિશ્વ યોગ દિવસની ભવ્ય અને આરોગ્યપ્રદ ઉજવણી કરવામાં આવી હતી. હોસ્પિટલ પરિસરમાં આયોજિત આ વિશેષ યોગાભ્યાસ કાર્યક્રમમાં આશરે ૧૭૦થી વધુ ઉત્સાહી નાગરિકો, દર્દીઓ અને યોગ શિબિરાર્થીઓએ હોંશે-હોંશે ભાગ લીધો હતો. આ અવસરે ઉપસ્થિત સૌ લોકોને આજના આધુનિક સમયમાં સ્વાસ્થ્ય અને દીર્ઘાયુ માટે યોગની અનિવાર્યતા અંગે વિગતવાર માર્ગદર્શન પૂરું પાડવામાં આવ્યું હતું.
સરકારી આયુર્વેદ હોસ્પિટલના યોગા અને વેલનેસ સેન્ટરના કુશળ યોગ ટ્રેનર તળપ્તિબેન દ્વારા આ પ્રસંગે ઉપસ્થિત તમામ શિબિરાર્થીઓને નિયત કોમન યોગા પ્રોટોકોલ અનુસાર વિવિધ પ્રકારના આસનો, પ્રાણાયામ અને ધ્યાનની સચોટ ક્રિયાઓ કરાવવામાં આવી હતી. યોગ ટ્રેનરે આજના સમયની બગડતી જીવનશૈલીને કારણે થતા વિવિધ ‘લાઈફ સ્ટાઈલ ડિસઓર્ડર' (રોગો) સામે લડવામાં અને શરીરને નિરોગી રાખવામાં યોગની સાચી ઉપયોગીતા તથા તેના વૈજ્ઞાનિક મહત્વ વિશે શિબિરાર્થીઓને બહુ સુંદર અને સરળ સમજ આપી હતી.
આ વિશિષ્ટ ઉજવણી દરમિયાન હોસ્પિટલના યોગ સેન્ટરના નિયમિત શિબિરાર્થીઓ દ્વારા વિવિધ પ્રકારની અદભુત અને કઠિન યોગ કળતિઓ પણ સફળતાપૂર્વક રજૂ કરવામાં આવી હતી, જેને હાજર રહેલા સૌ મહાનુભાવોએ તાળીઓના ગડગડાટથી વધાવી લીધી હતી. આ ભવ્ય આયોજનના અંતે યોગાભ્યાસ કરીને આવેલા તમામ ઉત્સાહી નાગરિકો અને શિબિરાર્થીઓ માટે હોસ્પિટલ તંત્ર દ્વારા ખાસ તૈયાર કરવામાં આવેલા હેલ્ધી એનર્જી ડ્રિંકના વિતરણનો લાભ આપવામાં આવ્યો હતો.
આજના આ કાર્યક્રમમાં ગુજરાત રાજ્યના આયુષ ડાયરેક્ટર અને રાજકોટ આયુર્વેદ હોસ્પિટલના પૂર્વ વૈદ્ય જયેશભાઈ પરમાર તેમજ રાજકોટના સ્થાનિક કોર્પોરેટર જયસુખભાઈ કાથરોટીયા ખાસ વિશેષ રૂપે ઉપસ્થિત રહ્યા હતા. આ પ્રસંગે આયુષ ડાયરેક્ટર વૈદ્ય જયેશભાઈ પરમાર દ્વારા શિબિરાર્થીઓને સંબોધિત કરવામાં આવ્યા હતા અને તેમણે માનવ જીવનમાં ઉત્કળષ્ટ સ્વાસ્થ્ય મેળવવા તથા દીર્ઘાયુ (લાંબુ આયુષ્ય) પ્રાપ્ત કરવા માટે રોજિંદા જીવનમાં યોગને વણી લેવા અંગે અત્યંત પ્રેરણારૂપ માર્ગદર્શન પૂરું પાડ્યું હતું.
સમગ્ર સફળ આયોજન અને કાર્યક્રમનું ઉત્કળષ્ટ સંચાલન રાજકોટ આયુર્વેદિક હોસ્પિટલના વડા વૈદ્યશ્રીમતી ચૈતાલીબેન પરમાર તથા તેમની હોસ્પિટલના તબીબો અને સ્ટાફની સમગ્ર ટીમ દ્વારા ખૂબ જ વ્યવસ્થિત અને શિસ્તબદ્ધ રીતે કરવામાં આવ્યું હતું, જેને કારણે આંતરરાષ્ટ્રીય યોગ દિવસની આ ઉજવણી રાજકોટવાસીઓ માટે યાદગાર બની રહી હતી.
(10:51 AM IST)
