News of Monday, 1st July 2024
રાજકોટના આજી-૨ ડેમનો ૧ દરવાજો ૦.૧૫ મીટર ખોલાયો : ૧૦ ગામોને ચેતવણી

રાજકોટ તા. ૧ : રાજકોટ જિલ્લાના રાજકોટ તાલુકા પાસે આવેલો આજી-૨ ડેમ તેની પૂર્ણ સપાટીએ ભરાતા રૂલ લેવલ જાળવવા ૧ દરવાજો ૦.૧૫ મીટર સવારે ૯.૧૪ કલાકે ખોલવામાં આવ્યો છે. આથી પડધરી તાલુકાના અડબાલકા, બાઘી, દહીંસરડા, ડુંગરકા, ગઢડા, હરીપર, ખંઢેરી, નારણકા, સખપર તથા ઉકરડા ગામોના લોકોને નદી વિસ્તારમાં અવરજવર ન કરવા તાકીદ કરવામાં આવી છે. આ ડેમની હાલની સ્થિતિ ફુલ રિઝર્વિયર લેવલ ૭૩.૭૬ મીટર છે. જયારે લેવલ ૭૨.૫ મીટર છે. ઈનફલો ૩૪૦ ક્યુસેક તથા આઉટ ફલો ૩૩૯ ક્યુસેક છે, તેમ નાયબ કાર્યપાલક ઈજનેર-ક્વોલિટી કંટ્રોલ, સબ ડિવિઝન નંબર-૧ની યાદીમાં ઉમેરાયું છે.
(4:41 PM IST)










