રાજકોટઃ શહેરમાં રાતથી વરસાદ વરસવાનું શરૂ થયું છે સાથે સાથે પવને પણ જોર પકડયું છે. આ સાથે ઝાડ પડી જવાની ઘટનાઓ પણ બનવા માંડી છે. અટીકા ફાટક નજીક ઉમિયા મોબાઇલ સામે રોડ પર ઝાડ પડી જતાં રસ્‍તો બંધ થઇ ગયો હતો. બનાવની જાણ થતાં ફાયર બ્રિગેડના અનીલભાઇ, કિશોરભાઇ, અજયભાઇ, શક્‍તિસિંહ, વિશાલભાઇ, મહેન્‍દ્રભાઇ, નયનભાઇ, લક્ષમણભાઇ સહિતે પહોંચી વિજપુરવઠો બંધ કરાવી જનરેટરથી કટર ચાલુ કરી કટરની મદદથી પડી ગયેલા ઝાડને કાપી રસ્‍તો ખુલ્લો કરાવ્‍યો હતો. સવારે સવા સાતેક વાગ્‍યે આ ઘટના બની હતી.