રાજકોટ તા. ૧૩: ભાવનગરમાં થોડા વર્ષો પહેલા પોતાના પત્‍નિ તેજુબેનની છરીના ઘા ઝીંકી હત્‍યા કરવાના ગુનામાં આજીવન કેદની સજા ભોગવતા જીવરાજભાઇ જાદવભાઇ રાઠોડ (ઉ.વ.૭૪) નામના કેદી ચારેક વર્ષથી રાજકોટ જેલમાં સજા કાપી રહ્યા છે. અહિ ગત સાંજે તેમણે બેરેક નંબર ૩માં પોતાની બિમારીની દવા ચાલુ હોઇ તે વધુ પડતી પી લેતાં તબિયત બગડતાં સારવાર માટે સિવિલ હોસ્‍પિટલમાં ખસેડાતાં હોસ્‍પિટલ ચોકીના રામશીભાઇ, કેતનભાઇ, ભાવેશભાઇ, તોૈફિકભાઇ, બળુભા, ધર્મેન્‍દ્રભાઇ, કાનાભાઇ સહિતે પ્ર.નગરમાં જાણ કરી હતી. વૃધ્‍ધે જણાવ્‍યું હતું કે પોતાનો મગજ સતત ભમતો હોઇ તેના કારણે બિમારીની દવા ચાલુ હતી તે વધુ પી લીધી હતી.