તા. ૨૫ જાન્યુઆરી ર૦ર૫ વિક્રમ સંવત ર૦૮૧ પોષ વદ – ૧૧ શનિવાર
ર૦ર૪માં રાજકોટમાં ૧ લાખ ૧૦ હજાર નવા વાહનોની ખરીદી
રાજકોટ આરટીઓ દ્વારા જાહેર કરાયેલા આંકડાઃ ફાસ્ટટ્રેક કામગીરીઃ લાયસન્સ અંગે ૧ લાખ ૩૪ હજાર લાભાર્થી ૭ર હજાર ટુ વ્હીલર તો ર૭ર૪૭ કાર વેચાઇઃ ફેન્સી નંબરમાં ૧પ કરોડની આવકઃ ૧૩ હજાર કેસો કરાયાઃ પાા કરોડનો દંડ વસુલાયો
રાજકોટ, તા.,૮ : જાન્યુઆરી - ૨૧ મી સદીમાં પરિવહન એ અતિ આવશ્યક સેવા છે. આપણી આસપાસ રોજબરોજ સતત માણસો અને સામાનનુ પરિવહન કરતા અનેક વાહનો જોવા મળે છે. જેને નિયંત્રિત કરતી ડ્રાઈવિંગ અને વાહન સંબંધી કામગીરી રિજિયોનલ ટ્રાન્સપોર્ટ ઓફિસ એટલે કે આર.ટી.ઓ. દ્વારા કરવામાં આવે છે.
‘ડિજિટલ ઈંડિયા' એ પ્રધાનમંત્રી શ્રી નરેદ્રભાઇ મોદીનું વિઝન છે, જેમાં સરકારની અનેકવિધ સેવાઓને ડિજિટલ બનાવી સમય શક્તિ બચાવનો મુખ્ય હેતુ રહેલો છે. રોડ અને ટ્રાન્સપોર્ટેશન વિભાગ દ્વારા મહત્તમ કામગીરી ફેસલેસ કરવામાં આવી છે. જેમાં મુખ્યત્વે લાઇસન્સ અને વ્હીકલ સંબંધી સેવાઓનો ઘર બેઠા બહોળા ઙ્કમાણમાં લાભ મળે છે.
રાજકોટ આર.ટી.ઓ. વિભાગ હેઠળ વર્ષ - ૨૦૨૪ માં લાઇસન્સ સંબંધી સેવાઓ જેવી કે લર્નિગ લાઇસન્સ, ડુપ્લીકેટ લાઇસન્સ, લાઇસન્સ રીન્યુઅલ, નામ સરનામું બદલાવ સહિતની ૭૬,૨૫૬ અરજીઓ પૈકી ૭૫,૪૨૩ જેટલી અરજીઓ જયારે વાહન સંબંધી સેવાઓમાં આર.સી. માં ડુપ્લીકેટ, ઓનરશિપ, નામ, સરનામાં માં ફેરફાર , તેમજ પરમીટ સંબંધી ૫૯,૨૨૫ જેટલી અરજીઓ પૈકી ૫૮,૬૧૮ ઓનલાઇન અરજીઓના નિકાલ સાથે કુલ ૧.૩૪ લાખ થી વધુ લાભાર્થીઓને ઘેર બેઠા સેવાનો લાભ મળ્યો હતો, જે કુલ ૯૮ ટકા કામગીરી હોવાનું આર.ટી.ઓ. શ્રી કેતન ખપેડે જણાવ્યું છે.
વધુ વિગત આપતા તેઓએ જણાવ્યું છે કે, આર.ટી.ઓ દ્વારા નવા વાહનની રજીસ્ટ્રેશન પ્રક્રિયા અંતર્ગત ટ્રાન્સપોર્ટ કેટેગરીમાં રીક્ષા, કાર, ટેક્ષી, મેક્ષી, ટ્રેકટર, બસ, એમ્બ્યુલન્સ સહીત ૧૦,૪૯૮ જયારે નોન ટ્રાન્સપોર્ટ કેટેગરીમાં હાર્વેસ્ટર, ટ્રેલર, ક્રેન, ટ્રેકટર, સહીત ૯૯,૭૩૮ વ્હીકલના રજીસ્ટ્રેશન કરવામાં આવ્યાં છે. જેમાં ૭૧,૭૯૫ ટુ-વ્હીલર અને ૨૭,૨૪૭ કારનો સમાવેશ થાય છે.
આર.ટી.ઓ દ્વારા ખાસ વાહન નંબર કે જેમાં ગોલ્ડ અને સિલ્વર કેટેગરી ઉપરાંત અન્ય ફેન્સી નંબર મેળવવા માટે ઓનલાઇન હરરાજી કરવામાં આવે છે, જેમાંથી ગત વર્ષે કુલ ૩૦,૮૩૭ વાહનોના નંબર માટે હરરાજી કરવામાં આવી હતી. જેમાં ટુ-વ્હીલર કેટેગરીમાં રૂ. ૧૮,૮૩,૫૦૦ તેમજ ફોર-વ્હીલર કેટેગરીમાં રૂ. ૭૪,૯૩૦૦૦ મળીને આર.ટી.ઓને કુલ રૂ. ૧૫,૧૮,૪૫,૫૦૦ રૂ. ની આવક થઈ હોવાનું શ્રી ખપેડે જણાવ્યું છે.
ફેસલેસ સિવાય અન્ય કામગીરી માટે આર.ટી.ઓ. ખાતે રૂબરૂ જરૂરી સેવાઓ પુરી પાડવામાં આવે છે. જેમાં આર.સી. કેન્સલેશન, વ્હીકલ કન્વર્ઝન, ફિટનેસ સર્ટી, હાયપોથેકસન, એન.ઓ.સી. નવું રજીસ્ટ્રેશન, ઓનરશિપ ટ્રાન્સફર, ફ્રેશ પરમીટ સહીત વિવિધ સેવાઓ માટે ૨,૦૮,૫૬૧ જેટલી અરજીઓ પૈકી ૨,૦૭,૯૮૮ જેટલી અરજીઓનો નિકાલ કરવામાં આવ્યો છે.
વર્ષ ૨૦૨૪ માં આર.ટી.ઓ. કચેરી દ્વારા વ્હીકલ એક્ટ અંતર્ગત વાહન ઓવરલોડ, ઓર ડાયમેન્શન, રિફ્લેકટર, ડાયમંડ પટ્ટી, વાઈટ લાઈટ એલ.ઇ.ડી., થર્ડ પાર્ટી વીમા, બેફામ ઝડપે ભયજનક રીતે વાહન ચલાવવું, પી.યુ.સી., ફિટનેસ, હેલ્મેટ, સીટ બેલ્ટ, ડ્રાઇવિંગ લાઇસન્સ સહિત ભંગ બદલ કુલ ૧૩,૦૧૨ કેસ કરવામાં આવ્યાં હોવાનું તેમજ રૂ. ૫,૪૫,૦૩,૯૫૮ નો દંડ વસુલવામાં આવ્યો છે.
વ્હીકલ સંબંધી સેવાઓનો ઝડપી અને સરળ ઉકેલ આવે તે માટે રાજકોટ આર.ટી.ઓ. ની ટીમ સતત કાર્યશીલ રહી આવનારા સમયમાં પણ આ જ પ્રકારે ઉત્કળષ્ટ કામગીરી કરી પરિવહન સેવાને વધુ સુગમ બનાવવા પ્રતિબંધ છે ત્યારે, આર.ટી.ઓ. દ્વારા રોડ સેફટી અંતર્ગત જનજાગળતિ કાર્યક્રમો સહીત આનુસંગિક કામગીરી દ્વારા લોકોના જાનમાલનું રક્ષણ કરવા પણ કટિબદ્ધ હોવાનું શ્રી કેતન ખપેડે જણાવ્યુ હતું.
(11:57 AM IST)
