રાજકોટઃ દક્ષિપ પશ્ચિમ ચોમાસાએ કોસ્‍ટલ સૌરાષ્‍ટ્ર અને ગુજરાત રીજનના ઘણા ભાગોમાં એન્‍ટ્રી કરી લીધી છે. અને હજુ વધુ ભાગોમાં આગળ વધી રહ્યું છે. ત્‍યારે રાજ્‍યના ઘણા ભાગોમાં મેઘરાજાએ સટાસટી બોલાવી દીધી છે.દરમિયાન રાજકોટ શહેરમાં પણ સતત વરસાદી માહોલ જોવા મળે છે. ગઈકાલે દિવસભર વાદળછાયુ વાતાવરણ રહ્યા બાદ સાંજના છ વાગ્‍યાની આસપાસ વરસાદ ચાલુ થઈ ગયો હતો. જે અવિરત ચાલુ રહ્યો હતો. વરસાદનું જોર વધારે ઓછું જોવા મળતું હતું.

ધીમીધાર આખી રાત વરસાદ ચાલુ રહ્યો હતો. માર્ગો સતત ભીના જોવા મળતા હતા. હવામાન ખાતામાં ૬૮.૫ મી.મી. વરસાદ નોંધાયો છે. આજે સવારે ૨૨.૩ ડીગ્રી, ૯૮ ટકા ભેજ નોંધાયેલ છે. આજે પણ વરસાદની સંભાવના રહેલી છે.(૪૦.૧૬)