રાજકોટ : પ્રકાશના પર્વ દિવાળીની શરૂઆત કરાવતો ધનતેરસ (Dhanteras 2025) નો શુભ તહેવાર આ વર્ષે 18 ઓક્ટોબર, 2025 ના રોજ ઉજવવામાં આવશે. ધનતેરસનો દિવસ નવી શરૂઆત અને ભૌતિક સમૃદ્ધિનું પ્રતીક છે. શાસ્ત્રો અનુસાર, આ દિવસે ધનની દેવી મા લક્ષ્મી, ધનના દેવતા કુબેર મહારાજ અને આરોગ્યના દેવતા ભગવાન ધન્વંતરીની પૂજા-અર્ચના કરવામાં આવે છે.

માન્યતા છે કે આ દિવસે તેમનું નામ યાદ કરવાથી અને શુભ મુહૂર્તમાં ખરીદી કરવાથી સંપત્તિ અને સમૃદ્ધિમાં તેર ગણો વધારો થાય છે. આથી, ધનતેરસ પર સોનું, ચાંદી, વાસણો, વાહન કે સાવરણી જેવી વસ્તુઓ ખરીદવી અત્યંત શુભ માનવામાં આવે છે. આ ખરીદી જીવનમાં નવા પરિવર્તન લાવે છે અને ખ્યાતિ તથા સમૃદ્ધિમાં વધારો કરે છે. જોકે, વસ્તુઓ ખરીદતા પહેલાં શુભ મુહૂર્તનું ધ્યાન રાખવું જરૂરી છે.

ગુજરાતી કેલેન્ડર પ્રમાણે, આસો વદ તેરસ તિથિનો પ્રારંભ 18 ઓક્ટોબર, 2025 ના રોજ બપોરે 12:18 વાગ્યે થશે અને તેનો સમાપ્તિ સમય 19 ઓક્ટોબર, 2025 ના રોજ બપોરે 1:51 વાગ્યે રહેશે. આ વર્ષે ધનતેરસ પૂજા માટે શુભ મુહૂર્ત સાંજે 7:16 થી 8:20 વાગ્યા સુધી રહેશે. આ પૂજા મુહૂર્ત દરમિયાન દેવી લક્ષ્મી, કુબેર મહારાજ અને ભગવાન ધન્વંતરીની પૂજા કરવાથી વિશેષ લાભ પ્રાપ્ત થાય છે.

જ્યોતિષીઓના મતે, ધનતેરસના દિવસે વસ્તુઓ ખરીદવા માટે નીચે મુજબના ત્રણ સમયગાળા શ્રેષ્ઠ છે:

• પ્રથમ શુભ સમય: સવારે 8:50 થી 10:33 સુધી
• બીજો શુભ સમય: સવારે 11:43 થી 12:28 સુધી
• ત્રીજો શુભ સમય: સાંજે 7:16 થી 8:20 સુધી

ધનતેરસ ચોઘડિયા મુહૂર્ત 

દિવસના ચોઘડિયા

• શુભ - 08:04 AM થી 09:31 AM
• લાભ - 01:51 PM થી 03:18 PM
• અમૃત - 03:18 PM થી 04:45 PM

રાત્રિના ચોઘડિયા

• લાભ - 06:11 PM થી 07:45 PM
• શુભ - 09:18 PM થી 10:51 PM
• અમૃત - 10:51 PM થી 12:25 AM, ઓક્ટોબર 19
• લાભ - 05:05 AM થી 06:38 AM, ઓક્ટોબર 19