રાજકોટ તા. ૨૬: કુવાડવા રોડ પર નવાગામ રંગીલા સોસાયટીમાં રહેતાં જયેશ રાજુભાઇ સનુરા (ઉ.વ.૧૮)ને રાતે અગીયારેક વાગ્‍યે ઘર નજીક હતો ત્‍યારે અજાણ્‍યા ભરવાડ જેવા શખ્‍સોએ પાઇપથી માર મારતાં સારવાર માટે સિવિલ હોસ્‍પિટલમાં દાખલ થતાં હોસ્‍પિટલ ચોકીના સ્‍ટાફે કુવાડવા રોડ પોલીસને જાણ કરી હતી.

જયેશ બંગડી બનાવવાનું કામ કરે છે. તેણે કહ્યું હતું કે મારા મિત્ર મિતુલ સાથે કોઇ ભરવાડ શખ્‍સો ઝઘડો કરતાં હોઇ હું ત્‍યાં જોવા જતાં અને વચ્‍ચે પડતાં મિતુલ ભાગી ગયો હતો. આ વખતે એ લોકોએ મને પકડી લઇ મારકુટ કરી હતી.