રાજકોટઃ શ્રી વર્ધમાન સ્‍થાનકવાસી જૈન સંઘ, હિંગવાલાલેન ઘાટકોપરના આંગણે પૂ. શ્રી ધીરગુરૂદેવના અનુગ્રહથી સંસ્‍કારિત અને મા સ્‍વામી પૂ. જય-વિજયાજી મ.સ. આશીર્વાદિત બીનાબેન અજયભાઇ શેઠ આનંદમંગલ હોલ (આયંબિલ શાળા- બીજા માળે તથા પારૂલ ઉર્વિશ વોરા પ્રેરિત ર૪ તીર્થંકર વંદનાવલીની ઉદઘાટન વિધી કાલે તા. ૧ ને રવિવારે સવારે ૯:૧પ થી ૧૧ કલાકે યોજાયેલ છે. સવારે ૭:૩૦ થી ૮:૪પ કલાકે નવકારશી નયનાબેન મહેશભાઇ રૂપાણી તરફથી રાખેલ છે.

પ્રવચન શ્રેણીમાં ગુરૂદેવે જણાવેલ કે- આપણા પોતાના ‘માઇનસ' પોઇન્‍ટની ખબર હોય એ આપણો ‘પ્‍લસ' પોઇન્‍ટ છે જીવનની શરૂઆત રડવાથી થાય છે અને જીવનનો અંત બીજાના રડવાથી થાય છે.   

સોમવારે ચોમાસી પાખીની તપ-ત્‍યાગ પૂર્વક ઉજવણી થશે. ભકતામર-સામાયિક સૂત્ર (પોકેટ)ની અર્પણ વિધી ધનલક્ષ્મી જયંત છેડા, કુંદનબેન નવીનભાઇ દોશીના હસ્‍તે કરાયેલ.