રાજકોટમાં અષ્ટવિનાયક અને દગડુશેઠના રૂપમાં ગજાનન દાદાનું આગમન
રેસકોર્સ સ્થિત ભારત સેવક સમાજ હોલ ખાતે મહારાષ્ટ્રથી અવનવી મૂર્તિઓનું આગમનઃ ૬ ઈંચથી ૩ ફૂટ સુધીના દાદાના સ્વરૂપો ઉપલબ્ધ : ટ્રાન્સપોર્ટ ખર્ચ વધવા છતાં શ્રી ગણેશ આર્ટ ખાતે ગત વર્ષના રાહત દરે જ વેચાણઃ મૂર્તિ સાથે ‘અથર્વ શીર્ષ પાઠ' પુસ્તિકા ફ્રી અપાશે : સાદગીનો સંદેશ ઈકો-ફ્રેન્ડલી ગણેશ
જય ગણેશઃ રાજકોટઃ શ્રી ગણેશ આર્ટ ખાતે ગણપતિ દાદાની અવનવી મૂર્તિ તસ્વીરમાં જોઇ શકાય છે. (તસ્વીરઃ અભિજીત બગથરીયા)
રાજકોટઃ પવિત્ર શ્રાવણ માસ હવે પૂર્ણતાના આરે છે ત્યારે રંગીલા રાજકોટવાસીઓ ગણપતિ મહોત્સવની ધામધૂમથી ઉજવણી કરવા ઉત્સુક બન્યા છે. આગામી ૧૦ દિવસ સુધી ચાલનારા આ ધાર્મિક ઉત્સવને લઈને શહેરમાં દાદાની આગમન છડી પોકારી ચૂકી છે. દર વર્ષની પરંપરા મુજબ આ વર્ષે પણ રેસકોર્સ આર્ટ ગેલેરી સામે આવેલા ભારત સેવક સમાજ હોલ ખાતે 'શ્રી ગણેશ આર્ટ' દ્વારા મહારાષ્ટ્રની ખાસ પરંપરાગત મૂર્તિઓનો વિશાળ ખજાનો આવી પહોંચ્યો છે.
મહારાષ્ટ્ર મંડળના ટ્રસ્ટી અનિલભાઈ બી. પાટીલ અને નિરંજનભાઈ પાટીલે વિગતો આપતા જણાવ્યું હતું કે, ઙ્કઅમે છેલ્લા ૧૫ વર્ષથી મહારાષ્ટ્રથી ખાસ ગણપતિજીની મૂર્તિઓ રાજકોટ લાવીએ છીએ. આ વખતે અષ્ટવિનાયક, દગડુશેઠ અને ચિતામણી ગણેશજીની નવીનતમ મુદ્રા ધરાવતી મૂર્તિઓ લવાઈ છે, જે સંપૂર્ણપણે પર્યાવરણપ્રેમી 'શાડુ માટી'માંથી તૈયાર કરવામાં આવી છે. ૬ ઈંચથી લઈને ૩ ફૂટ સુધીની આ મૂર્તિઓ શણગાર સાથે અને શણગાર વગર બંને પ્રકારે રાહતદરે ઉપલબ્ધ કરાવાઈ છે.
આ વર્ષે મુંબઈમાં ભારે વરસાદ અને ટ્રાન્સપોર્ટેશનના ભાડામાં વધારો થવાના કારણે ઉત્પાદન ખર્ચમાં ૧૦ ટકા સુધીનો વધારો થયો છે. આમ છતાં, રાજકોટના શ્રદ્ધાળુઓ પર આર્થિક બોજ ન પડે તે માટે મહારાષ્ટ્ર મંડળ દ્વારા ગત વર્ષના જૂના ભાવે જ મૂર્તિઓનું વેચાણ કરવાનું નક્કી કરાયું છે. અહીં રૂ. ૫૦૦ થી લઈને રૂ. ૧૫,૦૦૦ સુધીની મૂર્તિઓ ઉપલબ્ધ છે. આ ઉપરાંત, દરેક ખરીદી સાથે આરતી અને શ્લોક ધરાવતી ‘અથવ ર્શીર્ષ પાઠ' નામની ધાર્મિક પુસ્તિકા પણ ભક્તોને મફત આપવામાં આવી રહી છે.
સામાન્ય રીતે રક્ષાબંધનથી જ ગણેશ મૂર્તિઓના બુકિગનો માહોલ જામતો હોય છે, પરંતુ આ વર્ષે વરસાદની ખેંચના કારણે હજુ સુધી ખરીદીમાં થોડો મનોરથ ધીમો જોવા મળી રહ્યો છે. જોકે, ગણેશ ચતુર્થી નજીક આવતા જ ભક્તોનો ઉત્સાહ વધશે અને ખરીદીનો ધમધમાટ શરૂ થશે તેવી વેપારીઓ અને આયોજકો આશા વ્યક્ત કરી રહ્યા છે.
પર્યાવરણ પૂરક શાળુ માટીનું મહત્ત્વ
રાજકોટઃ મહારાષ્ટ્રના દરિયાકિનારાની ખાસ 'શાળુ માટી'માંથી બનાવેલી મૂર્તિઓ સંપૂર્ણપણે પવિત્ર અને પર્યાવરણને અનુકૂળ માનવામાં આવે છે. પીઓપીની સરખામણીએ આ માટી પાણીમાં ખૂબ જ ઝડપથી ઓગળી જાય છે, જેથી વિસર્જન વખતે કુદરતી જળષોતોને કે જળચર જીવોને કોઈ નુકસાન પહોંચતું નથી. ભારત સેવક સમાજના સહયોગથી શહેરીજનોને પર્યાવરણજતનનો સંદેશ આપવાનો આ નમ્ર પ્રયાસ કરાયો છે.
મૂર્તિ સાથે ‘અથર્વ શીર્ષ પાઠ' પુસ્તિકા ભેટ
રાજકોટઃ ગણેશ ઉત્સવ દરમિયાન ઘરે કે મંડપોમાં પૂજા-અર્ચના સરળતાથી થઈ શકે તે માટે મહારાષ્ટ્ર મંડળ દ્વારા એક વિશેષ પહેલ કરવામાં આવી છે. અહીંથી મૂર્તિ લઈજનાર દરેક શ્રદ્ધાળુને 'અથર્વ' નામની પુસ્તિકા વિનામૂલ્યે આપવામાં આવી રહી છે. આ પુસ્તિકામાં ગણપતિ બાપ્પાની દૈનિક આરતી, વિવિધ સ્તોત્રો, અથર્વશીર્ષ અને પૂજા વિધિની સંપૂર્ણ માહિતી આવરી લેવામાં આવી છે.
સ્થળ
શ્રી ગણેશ આર્ટ
રેસકોર્ષ, આર્ટ ગેલેરીની સામે ભારત સેવક સમાજ હોલ, રાજકોટ.
અનિલભાઇ પાટીલ (મો.૯૧૭૩૬ ૧૯૯૩૦),
નિરંજનભાઇ પાટીલ (મો.૭૩૮૩૬ ૩૦૭૬૪)
(3:17 PM IST)
