રાજકોટ તા.૨: રાજકોટ માર્કેટયાર્ડમાં આજે તા. 2 મે 2026ના રોજ ઘઉં, બાજરી, કાચી કેરી અને ગુંદા સહિતના પાકોની જણસીની હરાજી થઈ હતી. આજના બજાર ભાવ મુજબ ઘઉં અને બાજરીના ભાવમાં સ્થિરતા જોવા મળી હતી, જ્યારે કાચી કેરીની આવક વધતા ભાવમાં ઘટાડો નોંધાયો છે. બીજી તરફ ગુંદાના ભાવમાં તેજીનો માહોલ જોવા મળ્યો હતો.

આજના પ્રતિ 20 કિલોના ભાવ આ મુજબ રહ્યા:ઘઉં: રૂ. 440 થી રૂ. 510 સુધીના ભાવ બોલાયા. સારા માલમાં માંગ યથાવત રહી.બાજરી: રૂ. 410 થી રૂ. 450 સુધીના ભાવ રહ્યા. આવક સામાન્ય રહેતા ભાવ સ્થિર રહ્યા.કાચી કેરી સિઝનની આવક વધતા ભાવ રૂ. 300 થી રૂ. 700 સુધીના રહ્યા. ક્વોલિટી પ્રમાણે ભાવમાં તફાવત જોવા મળ્યો.

- *ગુંદા*: નવી આવક શરૂ થતાં અને માંગ સારી રહેતા રૂ. 1500 થી રૂ. 2500 સુધીના ઊંચા ભાવ બોલાયા.

રાજકોટ માર્કેટયાર્ડમાં આજે એકંદરે ખરીદીનું વાતાવરણ સારું રહ્યું હતું. વેપારીઓના જણાવ્યા અનુસાર આગામી દિવસોમાં કાચી કેરી અને ગુંદાની આવક હજુ વધવાની શક્યતા છે. ખેડૂતોને વેચાણ પહેલા ભાવની ખરાઈ કરીને જ માલ વેચવા સૂચન છે.