રાજકોટઃ સંજય લોઢિયાના ઉપક્રમે તેમના કંઠે ગવાયેલાં ગીતોનો એક કાર્યક્રમ તા.૧૨ને રવિવારે રાત્રે ૯-૩૦ કલાકે હેમુ ગઢવી મુખ્‍ય હોલ ખાતે યોજવામાં આવ્‍યો છે. આ કાર્યક્રમમાં તેઓ પોતાના કંઠનો જાદુ પિરસી એક પછી એક ગીતોની રમઝટ બોલાવશે. આ કાર્યક્રમમાં તેમની સાથે સાથ આપશે સૌરાષ્ટ્ર ગુજરાતના જાણીતા સીંગર અશ્વિની મહેતા, અત્રે એ નોંધનીય છે કે સંજય લોઢિયા વોઈસ ઓફ રફી તરીકે પ્રખ્‍યાત છે. આ ઉપરાંત ગેસ્‍ટ સીંગર તરીકે સુનિલભાઈ શાહ, ઘનશ્‍યામભાઈ રાવલ, મુન્નાભાઈ ઠાકર અને પરેશ દવેરા પણ જમાવટ કરવાના છે. એ જર્ની ઓફ મેલોડીઝ નામના આ વનમેન શો માં તુષાર ગોસાઈ અને તેની ટીમ મધુર સંગીત પીરસવાની છે જયારે હિતેશ મહેતા ગીટારીસ્‍ટ તરીકે પોતાની કલા પીરસશે, એન્‍કર તરીકે ભાવના સોની આકર્ષણ જમાવશે. આ ગીત સંગીતનો ભવ્‍ય કાર્યક્રમ સંગીતપ્રેમીઓ માટે વિનામુલ્‍યે છે આ માટે સંજય લોઢિયા મો. ૮૪૦૧૮૮૧૦૦૩, મુન્નાભાઈ ઠાકર ૯૮૭૯૩ ૫૨૪૯૯ તથા પરેશભાઈ દવેરા ૯૭૨૩૮૦૦૦૯૦ ઉપર સંપર્ક કરવાનો રહેશે. આ કાર્યક્રમમાં વોઈસ ઓફ રફી સંજય લોઢિયા રફી સાહેબના લોકપ્રિય ગીતો રજુ કરી દર્શકોની વાહ વાહ મેળવશે એ નકકી છે જયારે તેમનો સાથે આપશે અશ્વિની મહેતા કે જેઓ વોઈસ ઓફ આશા અને લતા તરીકે પ્રખ્‍યાત છે. સંગીતપ્રેમીઓ માટે આ કાર્યક્રમ એક યાદગાર કાર્યક્રમ બની રહેશે તેમાં કોઈ શક નથી