રાજકોટ-જેતપુર નેશનલ હાઈવે પર પીઠડીયા ટોલ પ્લાઝા નજીક એક ચાલતી કારમાં અચાનક આગ ફાટી નીકળતા અફરાતફરી મચી ગઈ હતી. જૂનાગઢથી રાજકોટ જઈ રહેલી આ કારમાં આગ લાગતાની સાથે જ જોતજોતામાં જ્વાળાઓએ વિકરાળ સ્વરૂપ ધારણ કરી લીધું હતું અને સંપૂર્ણ કાર બળીને ખાખ થઈ ગઈ હતી. 

 ઘટનાની જાણ થતા જ ફાયર ફાઈટરની ટીમ ઘટનાસ્થળે દોડી ગઈ હતી અને ભારે જહેમત બાદ આગ પર કાબૂ મેળવ્યો હતો. સદનસીબે, સમયસૂચકતાના કારણે કોઈ જાનહાનિના સમાચાર પ્રાપ્ત થયા નથી, પરંતુ હાઈવે પર લાગેલી આ ભીષણ આગને પગલે વાહનચાલકોમાં ભયનો માહોલ જોવા મળ્યો હતો.