(પરેશ પારેખ દ્વારા)પોરબંદર તા.૨૬ : સ્થાનિક સ્વરાજ્ય સંસ્થાઓની સામાન્ય ચૂંટણી-2026 અંતર્ગત પોરબંદર જિલ્લામાં સવારે 7:00 થી 11:00 વાગ્યા સુધીમાં શાંતિપૂર્ણ માહોલમાં મતદાન યોજાયું છે. જિલ્લા પંચાયતમાં કુલ 18.43 ટકા મતદાન નોંધાયું છે.

જિલ્લા ચૂંટણી તંત્રના આંકડા મુજબ જિલ્લા પંચાયતમાં 2,09,391 મતદારોમાંથી 38,595 મતદારોએ મતદાન કર્યું છે. પુરુષ મતદારોમાં 22.49% જ્યારે મહિલા મતદારોમાં 14.02% મતદાન નોંધાયું છે.

*સંસ્થાવાર મતદાનની ટકાવારી - સવારે 11:00 વાગ્યા સુધી:*

- *કુતિયાણા નગરપાલિકા*: 26.76% સાથે જિલ્લામાં સૌથી વધુ. 1,809 મતદારોમાંથી 484 મતદાન. પુરુષ 29.01%, સ્ત્રી 24.34%.

- *કુતિયાણા તાલુકા પંચાયત*: 21.48% મતદાન. 51,895 મતદારોમાંથી 11,149 મતદાન.

- *કુતિયાણા જિલ્લા પંચાયત સીટ*: 21.04% મતદાન. 54,944 મતદારોમાંથી 11,561 મતદાન.

- *રાણાવાવ નગરપાલિકા*: 19.16% મતદાન. 4,483 મતદારોમાંથી 859 મતદાન.

- *રાણાવાવ તાલુકા પંચાયત*: 17.91% મતદાન. 40,662 મતદારોમાંથી 7,283 મતદાન.

- *પોરબંદર તાલુકા પંચાયત*: 17.76% મતદાન. 1,08,487 મતદારોમાંથી 19,272 મતદાન.

- *પોરબંદર જિલ્લા પંચાયત સીટ*: 17.65% મતદાન. 1,06,590 મતદારોમાંથી 18,808 મતદાન.

- *રાણાવાવ જિલ્લા પંચાયત સીટ*: 17.19% મતદાન. 47,857 મતદારોમાંથી 8,226 મતદાન.

- *પોરબંદર મહાનગરપાલિકા*: 14.39% સાથે સૌથી ઓછું. 1,43,114 મતદારોમાંથી 20,593 મતદાન.

જિલ્લા પંચાયત હેઠળ કુલ 1,09,140 પુરુષ અને 1,00,250 સ્ત્રી મતદારો નોંધાયેલા છે. જેમાંથી 24,542 પુરુષ અને 14,053 મહિલાઓએ સવારે 11 વાગ્યા સુધીમાં મતાધિકારનો ઉપયોગ કર્યો છે. તમામ મતદાન મથકો પર ચુસ્ત પોલીસ બંદોબસ્ત સાથે મતદાન પ્રક્રિયા સાંજે 6:00 વાગ્યા સુધી ચાલુ રહેશે.