વાવ-થરાદના રાહ તાલુકાના ચાંગડા ગામે આવેલી શ્રી ધરણીધર ગૌશાળામાં 44 ગાયોના મોત મામલે સાંસદ ગેનીબેન ઠાકોરે મુલાકાત લીધી હતી. આ દરમિયાન તેમણે ગાયોના મોતને માનવસર્જિત દુર્ઘટના ગણાવી સરકાર પર નિશાન સાધ્યું હતું. ગેનીબેન ઠાકોરે જણાવ્યું હતું કે રાજ્યમાં ઝેરી દવાઓ અંગેના રિપોર્ટ કરી શકે તેવી લેબનો અભાવ છે. ગૌશાળામાં લીલા ઘાસચારાના કારણે ગાયોના મોત થયાં હોવાની આશંકા વ્યક્ત કરવામાં આવી રહી છે. આ ઘટનાને પગલે તેમણે પશુપાલકોને ઘાસચારાની યોગ્ય ચકાસણી કર્યા બાદ જ તેનો ઉપયોગ કરવાની અપીલ કરી હતી. સાથે જ ગૌશાળાને રૂ.5 લાખની ગ્રાન્ટ આપવાની જાહેરાત પણ કરી હતી.