News of Friday, 10th May 2024
સાવરકુંડલામાં પરિણિતાએ માતા સાથે મળીને સાસુની હત્યા કરી
સાવરકુંડલામાં ચોંકાવનારો મર્ડર કેસ સામે આવ્યોઃઆ અંગે પતિ ઘરે આયો અને જાણ થતા તેની આંખમાં મરચાનો પાવડર નાખી તે લોકો ભાગી ગયા હતા

સાવરકુંડલા, તા.૧૦
સાવરકુંડલામાં ચોંકાવનારો મર્ડર કેસ સામે આવ્યો છે. જેમાં પરિણિતાએ તેની માતા સાથે મળીને સાસુની હત્યા કરી દીધી છે. બુધવારે મોડી રાત્રે આ ઘટના બની હતી. પતિ જ્યારે નોકરી કરવા માટે ગયો હતો ત્યારે તેની માતા ઘરે એકલી હતી. આ સમયે પરિણિતાએ સતત થતી તૂ તૂ મેં મેં થી કંટાળીને સાસુને તેના જીવનમાંથી કાઢી મૂકવાનો પ્લાન બનાવ્યો હતો. આ સમયે જોકે પતિ ઘરે આવ્યો ત્યારે મોટો સીન થઈ ગયો હતો. અહેવાલ પ્રમાણે ૫૦ વર્ષીય મૃતક મહિલાનું નામ બીના પાઠક છે. તેનો દીકરો વૈભવ ભારતની લીડિંગ પ્રાઈવેટ બેન્કમાં સિનિયર એક્ઝિક્યુટીવ તરીકે ફરજ બજાવે છે. તેવામાં બુધવારે જે ૪૦ કિમી લાંબી સફર કરીને પરત ઘરે આવ્યો તો જોયું કે તેની માતાની હત્યા કરી દેવામાં આવી છે. ઉલ્લેખનીય છે કે આ સમયે તેણે તેની પત્ની શ્વોતા અને સાસુને બૂમો પાડીને બોલાવ્યા હતા. તેણે કહ્યું કે મારી મમ્મી સાથે આ તો શું થઈ ગયું કોણે કર્યું? આ સમયે વૈભવ કઈ રિએક્ટ કરે એની પહેલા તો તેની પત્ની અને સાસુએ મિર્ચ પાવડર લીધો અને તેની આંખમાં છાંટી ત્યાંથી ફરાર થઈ ગયા હતા. જોકે આ અંગે પછી તરત જ વૈભવ બહાર આવ્યો અને બૂમાબૂમ કરવા લાગ્યો હતો. તેણે પાડોશીઓને ભેગા કર્યા અને પછી દરેક લોકો ત્યાં એકઠા થઈ ગયા હતા. તેમણે પોલીસને આ અંગે જાણ કરી દીધી હતી. બાદમાં સાવરકુંડલા પોલીસે તપાસ શરૃ કરી અને ગણતરીના કલાકોમાં જ શ્વેતા અને તેની માતા સોનલ શાસ્ત્રીની ધરપકડ કરી લીધી હતી.
પોલીસ સાથેની પૂછપરછમાં પરિણિતાએ જણાવ્યું કે હું મારી સાસુથી કંટાળી ગઈ હતી. તેમની સાથે મારે જરાય બનતું જ નહોતું અને તૂ તૂ મે મે થતી હતી. તેથી મે અને મારી માતાએ મળીને તેમને રસ્તામાંથી હટાવી દેવા માટે પ્લાન બનાવ્યો હતો. તેમણે ત્યારપછી વૈભવ ઘરે નહોતો ત્યારે ઝઘડો કર્યો અને પછી હત્યા કરી નાખી હતી.
સાવરકુંડલાના પોલીસ ઈન્સપેક્ટર AM પરમારે કહ્યું કે વૈભવ અને શ્વેતાનાં લગ્ન ૯ મહિના પહેલા જ થયા હતા. આ સમયે તેણે કહ્યું કે મારા લગ્ન જીવનમાં સુખ શાંતિ હતી જ નહીં અને સતત મારી સાસુ ખટકતી હતી. વળી બીજી બાજુ શ્વેતાની માતાએ બીજા લગ્ન કર્યા હતા જેથી તે ત્યાં પિયર પણ નહોતી જઈ શકતી. ત્યાં પણ તેને મજા નહોતી આવતી.
(7:19 PM IST)









છેલ્લા 8 દિવસમાં સૌથી લોકપ્રિય 
