રાજકોટ તા. ૧૧: સાયલાના ઢેઢુકી ગામે આધેડે એસિડ પી આપઘાતનો પ્રયાસ કરતા સારવાર માટે રાજકોટ સિવિલ હોસ્‍પિટલમાં ખસેડાયા હતાં. ઢેઢુકી ગામે રહેતા અને ખેતીકામ કરતા રામજીભાઈ તેજાભાઈ રાઠોડ (ઉ.વ.૪૫) નામના આધેડે સાંજે ઘરે હતા ત્‍યારે એસીડ પી લેતા ચોટીલા સારવાર અપાવી રાજકોટ સિવિલ હોસ્‍પિટલમાં ખસેડાયા હતાં. અહિથી વધુ સારવાર માટે ફરી બોટાદ લઇ જવાયા હતાં. બનાવ અંગે હોસ્‍પિટલ ચોકીના રામશીભાઇ વરૂએ સાયલા પોલીસને જાણ કરી હતી. પરિવારજનના કહેવા મુજબ  રામજીભાઇનો પુત્ર એક યુવતિને લઇને નીકળી ગયો હોઇ તેની ચિંતાને કારણે આ પગલુ ભર્યુ હતું.