જૂનાગઢ: ઓઝત-2 ડેમ માંથી સિંહનો શંકાસ્પદ હાલતમાં મૃતદેહ મળ્યો છે. કરંટ આપી સિંહની હત્યા કરાયા હોવાની શંકા છે. નાની મોણપરીના ખેડૂતની શંકાને આધારે ધરપકડ કરવામાં આવી છે. કોર્ટે ખેડૂતનાં 3 દિવસના રિમાન્ડ મંજૂર કર્યા છે. ઘંટીયાણની સીમમાં ડેમના કાંઠે ખેડૂતની જમીન આવેલી છે. જમીનના છેડા પરથી સિંહના મૃતદેહને ઢસડયો હોવાનાં નિશાન મળ્યા છે. અન્ય સ્થળે કરંટ આપી સિંહની હત્યા કરી મૃતદેહને ખેતરમાં નાખી ગયા હોવાની શંકા છે. મુખ્ય આરોપી સહિતના લોકોને પકડવા વનવિભાગની કવાયત હાથ ધરાઇ છે. મૃતદેહને પીએમ માટે સક્કરબાગ ઝૂમાં મોકલાયો છે.