રાજકોટઃ તા. ૧૦: ધોરાજીના કીચોટ ગામ પાસે વાડીમાં કામ કરતા યુવાનને સર્પે દંશ મારતા ઝેરી અસર થતા તેનું રાજકોટની સિવિલ હોસ્‍પિટલમાં સારવાર દરમ્‍યાન મોત નિપજયું હતું.

મળતી વિગત મુજબ ધોરાજીના કીચોડા ગામ પાસે હર્ષદભાઇ વોરાની વાડીમાં રહેતો સુકરામ વિજયભાઇ ઠાકરે (ઉ.વ. ૨૭) છ દિવસ પહેલા વાડીએ હતો ત્‍યારે કોઇ ઝેરી જનાવર કરડી જતા તેને સારવાર માટે ઉપલેટા બાદ વધુ સારવાર માટે રાજકોટની સિવિલ હોસ્‍પિટલમાં ખસેડાયો હતો. ત્‍યાં તેનું સારવાર દરમ્‍યાન મોત નિપજયું હતું આ બનાવ અંગે પાટણવવા પોલીસએ કાર્યવાહી કરી હતી.