જામનગર:રાજયના રમતગમત, યુવા અને સાંસ્કૃતિક પ્રવૃતિઓ વિભાગ અંતર્ગત પુરાતત્વ અને સંગ્રહાલય ખાતુ ગુજરાત સરકાર હેઠળ પુરાતત્વીય સંગ્રહાલય, જામનગર ખાતે તા.૧૧મી ઓગસ્ટ, ૨૦૨૪ના રોજ " જામનગર સ્થાપના દિવસ"ની ઉજવણી કરવામાં આવી હતી.જેમાં જામનગરની રાજાશાહી વખતની નયનરમ્ય ઇમારતો, ભવ્ય કોટ, ઐતિહાસિક દરવાજા તેમજ ઈતિહાસનો અરીસો દેખાડતા પુરાતત્વીય સ્થળોના વારસા સમા 'હેરીટેઝ ફોટોગ્રાફીક્સ એક્ઝીબીશન'નું આયોજન કરાયુ હતુ. આ પ્રસંગે જામશ્રી વિભાજીની પાઘડીનું ડીસ્પ્લે તેમજ પુરાત્વીય સંગ્રહાલયનાં 'Museums of Gujarat' ની ઓડિયો-વિઝ્યુઅલ ગાઇડ એપ્લીકેશન'નું ધારાસભ્ય શ્રીમતી રીવાબા જાડેજાનાં વરદ હસ્તે ઉદ્ઘાટન કરવામાં આવ્યું હતુ.આ એપ્લીકેશન થકી સંગ્રહાલયમાં દેશ-વિદેશમાંથી બહોળી સંખ્યામાં આવતા મુલાકાતીઓ પોતાના જ સ્માર્ટ ફોન થકી સંગ્રહાલયમાં રહેલ ગેલેરીમાં પ્રદર્શિત વિવિધ નમૂનાઓ અને તેમની ઐતિહાસિક મહત્તાના અંગ્રેજી તેમજ ગુજરાતી ભાષામાં રસપ્રદ નિરૂપણને રસમય શૈલીમાં સાંભળી શકશે. આ કાર્યક્રમ નિમિત્તે પુરાતત્વીય સંગ્રહાલય જામનગરના ક્યુરેટર ડો.ધીરજ ચૌધરી, જામનગરના સૌ કલારસિકો તેમજ સંગ્રહાલયનાં તમામ સ્ટાફગણ હાજર રહેલ.