(મુકુંદ બદિયાણી દ્વારા)જામનગર તા.14 :  જામનગર જિલ્લાના તમામ ખેડુતો ચાલુ વર્ષ 2024- 25 માં રાજ્યના બાગાયત વિભાગ દ્વારા બાગાયતી પાકના કલસ્ટરોને કાપણી પછીની વ્યવસ્થા અને બજાર સાથે સાંકળવા વ્યક્તિગત, ખાનગી સંસ્થા, ફાર્મર પ્રોડ્યુસર ઓર્ગેનાઈઝેશન (FPO/FPC), સહકારી સંસ્થાને માળખાકીય સુવિધા પૂરી પાડવાનો કાર્યક્રમ અને રાજયમાં બાગાયતી પેદાશો માટે શીતસંગ્રહ (કોલ્ડ સ્ટોરેજ) ક્ષમતા વધારવા અંગેનો કાર્યક્રમ મંજુર કરવામાં આવ્યો છે. તેથી તમામ ખેડૂતો આ નવા કાર્યક્રમનો લાભ મેળવી શકે તે માટે તેમની પાસેથી ઓનલાઈન અરજી મંગાવવામાં આવી છે. 

તે માટે આઈ-ખેડુત પોર્ટલ https://ikhedut.gujarat.gov.in/ આ વેબસાઈટ પર જઈને આગામી તારીખ 11/10/2024 સુધી ઓનલાઈન અરજી કરી શકાય છે. તેથી લાભ મેળવવા ઈચ્છુક ખેડુતોએ અત્રે ઓનલાઈન અરજી કરીને જરૂરી સાધનિક કાગળો જેમાં અરજીની પ્રિન્ટ નકલ, પ્રોજેકટ રિપોર્ટ, 7- 12, 8- અ, અનુસૂચિત જાતિ માટે જાતિનો દાખલો, આધારકાર્ડ, રેશન કાર્ડ, બેન્ક બચત ખાતાની નકલ આ તમામ કાગળો તેની સાથે જોડવાના રહેશે.

અત્રેની નાયબ બાગાયત નિયામકશ્રીની કચેરી, જિલ્લા સેવા સદન- 4, પ્રથમ માળ, રૂમ નંબર 48, સુભાષ પુલ પાસે, જામનગર ખાતે આ તમામ વિગતો પહોંચાડવાની રહેશે. આ અંગે વધુ માહિતી મેળવવા માટે અત્રેની કચેરીના ફોન નંબર 0288- 2571565 પર સંપર્ક સાધી શકાશે. તેમ નાયબ બાગાયત નિયામકશ્રી, જામનગરની યાદીમાં જણાવવામાં આવ્યું છે.