News of Tuesday, 3rd September 2024
માલધારી ચારણ ગઢવી સમાજને ગુજરાત ગોપાલક વિકાસ નિગમમાં સમાવવા ઉપલેટાના દેવરાજ ગઢવીની રજુઆત
લોકસાહિત્યકારે સી.આર.પાટીલ અને ભૂપેન્દ્રભાઇ પટેલને પત્ર પાઠવ્યો

(જગદીશ રાઠોડ દ્વારા) ઉપલેટા,તા. ૩: પ્રતિષ્ઠિત કાગ એવોર્ડ વિજેતા સૌરાષ્ટ્ર કચ્છ કાઠીયાવાડ અને દેશ વિદેશમાં લોક ડાયરા ની દુનિયામાં ખૂબ જ મોટું નામ ધરાવતા અહીંના જાણીતા લોકસાહિત્યકાર દેવરાજભાઈ ગઢવી એ રાજ્યના મુખ્યમંત્રી ભુપેન્દ્રભાઈ પટેલ તથા પ્રદેશ ભાજપ પ્રમુખ અને કેન્દ્રીય મંત્રી સી આર પાટીલને એક વિસ્તળત પત્ર પાઠવી ચારણ ગઢવી સમાજનો ગુજરાત ગોપાલક વિકાસ નિગમમાં સમાવેશ કરવાની માગણી કરી છે.
ચારણ ગઢવી સમાજ વર્ષોથી પશુપાલન વ્યવસાય સાથે જોડાયેલો છે એની ઓળખ જ માલધારી તરીકે થાય છે ત્યારે આ સમાજને આનાથી વંચિત કેમ રાખી શકાય નેહડા ચારણોના જ હતા અને આજે પણ છે છતાં દુખ સાથે કહેવું પડે છે કે અમારી વારંવારની આ વેદના સંવેદનશીલ સરકાર હોવા છતાં પણ સાંભળતી નથી આજે પણ ગીર બરડો આલે ય પંચમહાલ સાબરકાંઠા બનાસકાંઠા કચ્છ સહિતના પ્રદેશોમાં ચારણ ગઢવી સમાજ પશુપાલન વ્યવસાય કરી પોતાના જીવન નિર્વાહ કરે છે એ જ એનો વ્યવસાય છે ત્યારે મારી એક લોક સાહિત્યકાર તરીકે પ્રાર્થના છે કે છીનવાઈ ગયેલો અમારો હક પરત મળે અને એના લાભ અને આર્થિક સહયોગ થી ચારણ ગઢવી પશુપાલકો આજના હરીફાઈના યુગમાં ટકી શકે અને તેમના પરિવાર તથા જીવથી વાલા પશુઓનું પણ સારી રીતે નિભાવ અને પોષણ કરી શકે અને આ રાજ્યભરના માલધારી ચારણ ગઢવી સમાજની વેદના અને માગણી છે ત્યારે વહેલામાં વહેલી તકે તેમનો ગુજરાત ગૌ પાલક વિકાસ નિગમમાં સમાવેશ કરવો જોઈએ. તેમ અંતમાં દેવરાજભાઇ ગઢવીએ માંગ કરી છે.
(12:13 PM IST)









છેલ્લા 8 દિવસમાં સૌથી લોકપ્રિય 
