જામનગરઃ ધ્રોલ તાલુકાના મોટા ઈટાળા ગામે સેવા સેતુ કાર્યક્રમ અંતર્ગત પશુ આરોગ્‍ય કેમ્‍પનું આયોજન કરવામાં આવ્‍યું હતું. વેટેરીનરી પોલિક્‍લિનિક, જામનગરના સહયોગથી આયોજિત આ કાર્યક્રમમાં કુલ ૩૦ લાભાર્થીના પશુઓને મેડિસન સારવાર ૨૦૮, સર્જરી ૪, ગાયનેક ૭ અને કૃમિનાશક દવા વિતરણ ૧૨૭૫, આઈ ચેકિંગ ૦૩- આટલા પશુઓની સારવાર કરવામાં આવી હતી. આ ઉપરાંત સ્‍વછતા હી સેવા અભિયાન અંતર્ગત તાલુકા કક્ષાની પશુપાલનની સંસ્‍થાઓ ખાતે સ્‍વછતા અભિયાન હાથ ધરવામાં આવ્‍યું હતું. તેમજ પશુપાલકોને કિસાન ક્રેડિટ કાર્ડ/કે.સી.સી.ના ફોર્મનું વિતરણ કરવામાં આવ્‍યું હતું. હાજર સર્વે પશુપાલકોને પ્રાણી ક્રૂરતા નિવારણ સોસાયટીની કામગીરી અંગે માહિતી આપવામાં આવી હતી. તેમ નાયબ પશુપાલન નિયામક ડો.તેજસ શુકલ, જિલ્લા પંચાયત, જામનગર દ્વારા જણાવાયું છે.