(દિપક કક્કડ દ્વારા) વેરાવળ,તા. ૪: જગતજનની માતા શક્‍તિની આરાધનાનો મહાપર્વ એટલે શારદિય નવરાત્રી, જ્‍યારે સમગ્ર વિશ્વમાં વસતા માતાના ભક્‍તો નવરાત્રીના નવ દિવસ અને રાત માતાની આરાધના કરતા હોય છે ત્‍યારે પ્રથમ જ્‍યોર્તિલિંગ શ્રી સોમનાથ બિરાજે છે એ પ્રભાસતીર્થ કે જેનો શાષાોમાં ચંદ્રભાગા શક્‍તિપીઠ તરીકે પણ ઉલ્લેખ છે, જ્‍યાં માતા સરસ્‍વતીએ વડવાનલ અગ્નિ સમુદ્રમાં પધરાવેલ એવા પ્રભાસ તીર્થમાં શ્રી સોમનાથ ટ્રસ્‍ટ દ્વારા માતાજીની આરાધના માટે ભક્‍તિમય કાર્યક્રમોનું આયોજન કરવામાં આવ્‍યું છે.

આજે નૌરત્રીના પ્રારંભ સાથે શ્રી સોમનાથ મંદિરની નિﾍતિ પ્રણાલિકા અનુસાર શ્રી સોમનાથ મહાદેવ સાથે બિરાજમાન માતા પાર્વતીની રાજોપચાર મહાપૂજા કરવામાં આવી હતી. નવરાત્રીના નવ દિવસ શ્રી સોમનાથ મંદિરના ગર્ભગળહમાં મંદિરના પૂજારીશ્રીઓ દ્વારા ૩.૫થી ૪ કલાકની રાજોપચાર મહાપૂજા કરવામાં આવશે. આદિ કાળમાં ચક્રવર્તી સમ્રાટો દ્વારા માતા શક્‍તિને પ્રસન્ન કરવા રાજોપચાર મહાપૂજા કરવામાં આવતી હતી. ત્‍યારે સોમનાથ મંદીરના પૂજારીશ્રીઓ દ્વારા વિશ્વ શાંતિની પ્રાર્થના સાથે માતા પાર્વતી સૌનું કલ્‍યાણ કરે તેવી પવિત્ર ભાવનાથી મહાપૂજન કરવામાં આવ્‍યું હતું. ભકતો નવરાત્રીના પ્રથમ દિવસે માતા પાર્વતી તેમજ શ્રી સોમનાથ મંદિરમાં બિરાજમાન માતા ત્રપુર સુંદરી અને માટે આંબાના દર્શન કરી ધન્‍ય બન્‍યા હતા.

આ સાથે વિશેષ રૂપે શ્રી સોમનાથ મહાદેવને ભસ્‍મનો લેપ લગાવીને તેમના પર માતા શક્‍તિની મુખાકળતિ તૈયાર કરી મહાદેવને દેવી દર્શન શળંગાર કરવામાં આવેલ. માતા શક્‍તિના સ્‍વરૂપમાં ભગવાન શિવના દર્શન કરી શ્રદ્ધાળુઓ ધન્‍ય થયા હતા.

આ સાથે જ શ્રી સોમનાથ મંદિર સમીપ બિરાજમાન માતા વાઘેશ્વરીના મંદિરે શ્રી સોમનાથ ટ્રસ્‍ટ પરિવાર દ્વારા માતા વાઘેશ્વરી-જોગેશ્વરીના પૂજન અને આરતી કરવામાં આવ્‍યા હતા. આ તકે સ્‍થાનિક ભક્‍તો અને બાળાઓ આ પૂજન માં જોડાયા હતા અને માતાની આરાધના કરવા ભક્‍તિમય સંગીત સાથે ગરબે ઘૂમ્‍યા હતા.