રાજકોટ તા.૧૭ :        આજે વહેલી સવારે કચ્છમાં ભૂકંપ આવતા ચિંતા પ્રસરી ગઈ છે.

       ગાંધીનગર સ્થિત સિસ્મોગ્રાફી સેન્ટરના અહેવાલમાં જણાવ્યું છે કે આજે ગુરુવારે વહેલી સવારે ૩:૫૪ વાગ્યે કચ્છમાં ૪ ની તીવ્રતાનો ભૂકંપનો આંચકો અનુભવાયો હતો.

 આ ભૂકંપનું કેન્દ્રબિંદુ કચ્છના ખાવડાથી ૪૭ કિલોમીટર દૂર દક્ષિણ દિશા તરફ હોવાનું જાણવા મળ્યું છે.

      વહેલી સવારે બધા આરામમાં હોવાથી ભૂકંપનો આંચકો આવતા લોકો ઊંઘમાંથી જાગીને ઘરની બહાર દોડી ગયા હતા.જો કે ચારની તીવ્રતાનો ભૂકંપ હોવાથી લોકોમાં ચિંતા પ્રસરી ગઈ છે.જોકે અત્યાર સુધી આ ભૂકંપને કારણે કોઈ મોટાપાયે નુકસાન કે જાનહાનિના સમાચાર સામે આવ્યા નથી.