રાજકોટ તા. ૧૮: દેવભુમિ દ્વારકા તાબેના ભાણવડના જસાપર ગામે રહેતાં વિજય માથુરભાઇ ધંધુકીયા (ઉ.વ.૩૦) નામના યુવાનને ગત ૮મીએ તે નજીકના જાંબુસર ગામે અજયભાઇ લાખાભાઇ કોળીની વાડીએ હતો ત્‍યારે વિજકરંટ લાગતાં દાઝી જતાં સારવાર માટે રાજકોટ સિવિલ હોસ્‍પિટલમાં ખસેડાયો હતો. અહિ આજે સવારે દમ તોડી દેતાં પરિવારમાં શોક છવાઇ ગયો હતો.

વિજય ત્રણ ભાઇમાં મોટો અને કુંવારો હતો. તે જાંબુસર ગામે અજયભાઇની વાડીએ થોડા સમયથી રહીને ત્‍યાં જ મજુરી કરતો હતો. આઠમી તારીખે લાઇટ જતાં તે ડીઓ બદલાવી રહ્યો હતો તે વખતે જ ઓચીંતો પાવર આવી જતાં ઝાટકો લાગતાં દાઝી ગયો હતો. સારવાર કારગત ન નીવડતાં આજે મૃત્‍યુ થયું હતું. હોસ્‍પિટલ ચોકીના એએસઆઇ રામશીભાઇ વરૂ, તોૈફિકભાઇ, ભાવેશભાઇ, ધર્મેન્‍દ્રભાઇએ ભાણવડ પોલીસને જાણ કરી હતી. (૧૪.૫)