(જીતેન્‍દ્ર આચાર્ય દ્વારા) ગોંડલ તા.રપઃ  માર્કેટયાર્ડમાં  મરચાની અંદાજે ૫૦ હજાર ભારીની આવક થઇ છે. યાર્ડ નાં ગેઇટની બન્ને બાજુ મરચા ભરેલા વાહનોની અંદાજે ચાર થી પાંચ કિ.મી.લાંબી કતારો જામી હતી. ખેડુતોને મરચાનાં ૨૦ કિલોનો ભાવ રુ. ૧૫૦૦ થી ૩૦૦૦ સુધી મળ્‍યા હતા. સાનિયા, રેવા, રેશમપટ્ટો તથા ઘોલર મરચાની મુખ્‍યત્‍વે આવક થઈ છે.રેશમપટ્ટો ગોંડલીયા મરચા તરીકે જાણીતુ છે.ગળહિણીઓ બારોમાસ ભરવા માટે આ મરચાની પસંદગી કરેછે.જ્‍યારે અથાણાં માટે ખાસ કરીને ઘોલર મરચાની વધું પસંદગી કરાય છે. યાર્ડ માં મરચાની ખરીદી માટે કર્ણાટક, આંધ્ર, મધ્‍યપ્રદેશ, ઉત્તરપ્રદેશ થી વેપારીઓ ગોંડલ આવેછે. ઓક્‍ટોબરનાં અંત સમયથી મરચાની ધીમી આવકની શરૂઆત થાય છે. સૌરાષ્‍ટ્ર ગુજરાત માં ગોંડલ માર્કેટ યાર્ડ મોટુ પીઠું ગણાયછે. (અહેવાલ - જીતેન્‍દ્ર આચાર્ય, તસ્‍વીર : ભાવેશ ભોજાણી, ગોંડલ)