(વિનોદ ગાલા દ્વારા)ભુજ તા.૨૨ :  રાજ્ય સરકાર દ્વારા સ્થાનિક સ્વરાજ્યની સંસ્થાઓની ચૂંટણી જાહેર કરવાના પગલે કચ્છમાં બે વર્ષ થયા વહીવટદારનું શાસન ધરાવતી ભચાઉ, રાપર નગરપાલિકાની ચૂંટણી યોજાશે. આ ઉપરાંત ભચાઉની લાકડીયા-૨, મુન્દ્રાની ભુજપુર-૨ અને માંડવીની દરશડી એમ ત્રણ તાલુકા પંચાયતની બેઠકોની પેટા ચૂંટણી થશે. જ્યારે અઢી વર્ષ પૂર્વે ગ્રામ પંચાયતમાંથી નગરપાલિકા નો દરજ્જો મેળવેલ નખત્રાણા નગરપાલિકાની ચૂંટણી જાહેર ન થતાં લોકોમાં નારાજગી ફેલાઈ છે. રાપર અને ભચાઉમાં ૨૮/૨૮ બેઠકો છે. જેમાં ઉમેદવારો માટે ઉમેદવારી નોંધાવવાની છેલ્લી તારીખ ૧ ફેબ્રુ. છે. ૧૬/૨ ના મતદાન અને ૧૮/૨ ના પરિણામ જાહેર થશે. રાપરમાં ૨૬૦૦૦ અને ભચાઉમાં ૨૩૦૦૦ હજાર મતદારો છે.