News of Wednesday, 29th January 2025
સૈનિક સ્કૂલ બાલાચડી ખાતે પ્રજાસત્તાક દિવસની ઉજવણી

જામનગર,તા.૨૯ : સૈનિક સ્કૂલ બાલાચડી ખાતે ૭૬મો પ્રજાસત્તાક દિવસ ઉત્સાહ અને ઉમંગ સાથે ઉજવવામાં આવ્યો. સમારોહના મુખ્ય મહેમાન કર્નલ શ્રેયશ મહેતા, આચાર્ય, સૈનિક સ્કૂલ બાલાચડીએ શહીદોના યુદ્ધ સ્મારક - શૌર્ય સ્તંભ પર પુષ્પાંજલિ અર્પણ કરી, ત્યારબાદ તેમણે ભારતીય ત્રિરંગો લહેરાવ્યો, ત્યારબાદ રાષ્ટ્રગાન ગાવામાં આવ્યું અને કેડેટ્સ દ્વારા માર્ચ-પાસ્ટ રજૂ કરવામાં આવ્યું.
કેડેટ અભય રાજ અને કેડેટ યુવરાજ ચૌહાણે અનુક્રમે હિન્દી અને અંગ્રેજીમાં પ્રજાસત્તાક દિવસનું મહત્વ વ્યક્ત કર્યું. કેડેટ્સ દ્વારા રજૂ કરાયેલ એરોબિક્સ અને માનવ પિરામિડનું અદ્દભુત પ્રદર્શન પ્રેક્ષકોએ જોયું. બાલનિકેતન, પ્રાથમિક શાળાના વિદ્યાર્થીઓએ પણ માસ પીટી રજૂ કરી જેની પ્રેક્ષકોએ પ્રશંસા કરી. હવલદાર અભેય રાઠોડ અને હવલદાર મનુજ ચંબિયાલને વર્ટિકલ રોપ ક્લાઇમ્બિંગમાં તેમના આકર્ષક પ્રદર્શન માટે ખાસ પ્રશંસા મળી.
આ મહત્વપૂર્ણ દિવસે, એક ઇન્ટર હાઉસ ડ્રીલ સ્પર્ધાનું પણ આયોજન કરવામાં આવ્યું હતું. તમામ ર્માચિંગ ટુકડીઓએ બેરિંગ અને ટર્નઆઉટ, ર્માચિંગ, સેલ્યુટિંગ અને કોઓર્ડિનેશનમાં પોતાનું બળ દર્શાવ્યું હતું. ગરુડ હાઉસને વિજેતા જાહેર કરવામાં આવ્યું હતું. મુખ્ય મહેમાન દ્વારા વિજેતાઓને ટ્રોફી અને ટાઇમ્સ ઓફ ઇન્ડિયા પબ્લિક સ્પીકિંગ કોન્ટેસ્ટના પ્રાદેશિક રાઉન્ડમાં ઉત્કળષ્ટ દેખાવ બદલ કેડેટ શિવમ ગાવરને પ્રમાણપત્ર અને ઇનામ આપવામાં આવ્યું હતું. તેમણે જૂનાગઢ ખાતે આયોજિત એંસીસી ‘‘એક ભારત શ્રેષ્ઠ ભારત'' કેમ્પમાં અંગ્રેજી નિબંધ લેખન સ્પર્ધામાં બીજા સ્થાને રહેવા બદલ કેડેટ ન્યૂટન પટેલનું પણ સન્માન કર્યું હતું અને સ્ટીમ ક્વિઝ રિજનલ રાઉન્ડમાં સાત કેડેટ્સને પ્રમાણપત્ર અને મેડલ એનાયત કરવામાં આવ્યા હતા જ્યારે કેડેટ રાજવીર ટોલિયાને સ્ટીમ ક્વિઝમાં ટેલિસ્કોપ સાથે પ્રમાણપત્ર અને મેડલ પ્રાપ્ત થયો હતો.
ઓબસા ના પ્રમુખ ભરત પટેલ, ઓબસા મેમ્બર, અને પરિવાર નાં સભ્યો હાજર રહ્યા હતા.
(1:43 PM IST)









છેલ્લા 8 દિવસમાં સૌથી લોકપ્રિય 
