ભાવનગરના ચિત્રા GIDC વિસ્તારમાં SBI બેંકની બહાર 75 લાખ રૂપિયાની લૂંટના કેસમાં પોલીસે ત્રણ આરોપીને ઝડપી પાડ્યા છે. આરોપીઓ પાસેથી 74 લાખ રૂપિયાનો મુદ્દામાલ કબજે કરાયો છે. 7 દિવસ પહેલા ફરિયાદી બેંકમાંથી રૂપિયા ઉપાડીને આવતા હતા ત્યારે ત્રણ શખ્સે તેમને બેંક નજીર જ આંતરીને લૂંટ કરી હતી. આરોપીઓને બે શખ્સોએ લૂંટ કરવા માટે ટિપ્સ આપી હોવાનો ખુલાસો થયો છે. લૂંટની ટિપ્સ આપનાર બે શખ્સોને પણ પોલીસે ઝડપી લીધા છે. લૂંટના કેસમાં પોલીસે અત્યાર સુધી પાંચ આરોપીની ધરપકડ કરી છે.