અમરેલી:અમરેલી આત્મા પ્રોજેક્ટ દ્વારા કુંકાવાવ-વડીયા તાલુકાના મોટી કુંકાવાવ અને રાજુલા તાલુકાના ડુંગર ખાતે પ્રાકૃતિક ખેતી પરિસંવાદ અને પ્રદર્શનનું આયોજન કરવામાં આવ્યું હતું.  ગુજરાત પ્રાકૃતિક કૃષિ વિકાસ બોર્ડ અંતર્ગત યોજવામાં આવેલા આ કાર્યક્રમમાં કુંકાવાવ-વડીયા, અમરેલી અને રાજુલા, જાફરાબાદ, સાવરકુંડલા તાલુકાના ખેડુ ભાઇ-બહેનોને કૃષિક્ષેત્રના નવીનત્તમ સંશોધન અને પ્રાકૃતિક ખેતી વિષયક માહિતી અને માર્ગદર્શન આપવામાં આવ્યું હતું, તેમ અમરેલી આત્મા પ્રોજેક્ટ દ્વારા યાદીમાં જણાવવામાં આવ્યું છે.