તા. ૨ સપ્ટેમ્બર ર૦ર૫ વિક્રમ સંવત ર૦૮૧ ભાદરવો સુદ – ૧૦ મંગળવાર
તલગાજરડામાં પૂ.મોરારીબાપુની અધ્યક્ષતામાં હનુમાન જયંતી - હનુમંત સંગીત મહોત્સવ
પંડિત જયતીર્થ મેવુન્ડી, નીલાદ્રીકુમાર વિદુષી અદિતી મંગળદાસ, સત્યજીત તલવલકર, પ્રાણજીવન પૈજા, સનત વ્યાસ, ‘અર્જુન' ફિરોઝખાન સહિતનાને એવોર્ડ અપાશે
ભાવનગર-કુંઢેલી, તા.૮: પૂજ્ય મોરારીબાપુની પ્રેરણા અને માર્ગદર્શન સાથે સૌરાષ્ટ્રના મહુવા નજીકના તલગાજરડા ગામ ખાતેના ચિત્રકૂટ ધામ ખાતે હનુમાનજી મહારાજને વિશેષ રૂપે સંગીતાજલી અર્પણ કરીને ૪૮માં હનુમંત જન્મોત્સવ- ૨૦૨૫ ની ઉજવણી કરવામાં આવશે.
ત્રિદિવસીય આ કાર્યક્રમમાં તા.૧૦ /૧૧/૧૨ એપ્રિલ, (ગુરુ,શુક્ર,શનિ) ના રોજ આ સંગીત મહોત્સવ ઉજવવામાં આવશે. છેલ્લા પાંચ દાયકાથી લગાતાર અહીં હનુમાનજી મહારાજના જન્મોત્સવ અંતર્ગત વિશેષ સંગીતાંજલિ, નળત્યાંજલિ અર્પણ કરવામાં આવે છે.
આ વર્ષના સંગીત મહોત્સવ ૨૦૨૫માં તા. ૧૦/૪ ને ગુરુવારે જયતીર્થ મેવુન્ડી (કર્ણાટક) રાત્રી ૮ થી ૧૦ દરમિયાન શાષાીય ગાયન રજૂ કરશે. જ્યારે તા. ૧૧/૪ શુક્રવારે વાદ્ય સંગીત અંતર્ગત નીલાદ્રી કુમાર (મુંબઈ)નું સિતારવાદન અને સત્યજીત તલવારકર (પુના)નું તબલાવાદન રાત્રિના ૮ થી ૧૦ દરમિયાન રજૂ થશે.
શ્રી હનુમાન જયંતીના તા. ૧૨/૪ અને શનિવાર રોજ સવારના ભાગે એવોર્ડ સમારંભ યોજાશે. જેમાં જેમાં હનુમાનજી મહારાજની વિશાળ ધ્યાસ્થ પ્રતિમા સમક્ષ સવારે ૯:૦૦ કલાકે સુંદરકાંડના સંગીતમય પાઠ, આરતી, હનુમાન ચાલીસાના પાઠ થયા બાદ એવોર્ડ વિતરણ કાર્યક્રમ થશે.
જેમાં સવારે ૧૦ કલાકે પૂ.મોરારીબાપુના શુદ્ધ હસ્તે ગાયન,વાદ્ય,નળત્ય તથા તાલવાધ્ય માટે હનુમંત એવોર્ડ એનાયત થશે. જેમાં ગાયન માટે પં.જયતીર્થ મેવુન્ડી, સિતાર વાદન માટે શ્રી નીલાદ્રી કુમાર ને, નળત્ય - (કથક) માટે વિદુષી અદિતિ મંગળદાસને તેમજ તાલ વાદ્ય (તબલા) માટેનો એવોર્ડ શ્રી સત્યજીત તલવલકરને અર્પણ થશે.
અભિનય ક્ષેત્રે આજીવન સેવાના ઉપલક્ષમાં અપાતો નટરાજ એવોર્ડ ભવાઈ માટે શ્રી પ્રાણજીવન પૈજા (મોરબી), નાટક માટે શ્રી સનત વ્યાસ (મુંબઈ), હિન્દી ટીવી સિરિયલ માટે શ્રી ‘અર્જુન' ફિરોઝખાન (મુંબઈ) ને અર્પણ થશે.
આ ઉપરાંત સંસ્કળત ભાષાની સેવા કરનાર વિદ્વાન મહિલાને અપાતો શ્નભામતી શ્ન પુરસ્કાર ડો પુનિતાબેન દેસાઈ (વલસાડ)ને અર્પણ થશે.બીજો સંસ્કળત ભાષાનો ‘વાચસ્પતિ પુરસ્કાર' ડો. ગિરીશ જાની (મુંબઈ- ભારતીય વિદ્યા ભવન) ને એનાયત થશે. જ્યારે ‘કૈલાશ લલિત કલા એવોર્ડ' શ્રીમતી નૈના દલાલ (ચિત્ર)(વડોદરા)ને, ‘સદભાવના એવોર્ડ' શ્રીગુલઝાર અહેમદ ગનાય (કશ્મીર) ને જ્યારે શ્રી ‘અવિનાશ વ્યાસ' (સુગમ સંગીત) એવોર્ડ હરીશચંદ્ર જોશી (બોટાદ /ભાવનગર) ને અર્પણ કરીને તેમની વંદના કરવામાં આવશે.
એવોર્ડ અર્પણ વિધિ બાદ આ સમગ્ર ઉપક્રમના પ્રેરણાષાોત અને માર્ગદર્શક પૂ.મોરારીબાપુનું પ્રસંગિક ઉદબોધન થશે.
તલગાજરડા ખાતે હનુમંત જન્મોત્સવ અંતર્ગત યોજાતા આ કાર્યક્રમો આસ્થા ટીવી ચેનલ તેમજ ચિત્રકૂટ ધામ તલગાજરડા youtube ચેનલ ઉપર જીવંત માણી શકાશે. તેમ હરેશ જોશી (કુંઢેલી)એ જણાવ્યુ છે.(૨૩.૫)
(10:25 AM IST)
છેલ્લા 8 દિવસમાં સૌથી લોકપ્રિય 
