(વિનોદ ગાલા દ્વારા)ભુજ તા.૧૦ :  ધગધગતા તાપમાં અફાટ રણ વચ્ચે ગત ૬/૪ ના ગુમ થયેલ ઇજનેરનો હજી પત્તો મળ્યો નથી. અદાણી કંપનીના સોલાર પ્રોજેક્ટ માટે કચ્છના રાપર તા.ના બેલા ગામ પાસેના રણમાં સર્વે દરમ્યાન ૩ જણ ગુમ થયા હતા. તેમાં ડ્રાઇવર મોહમ્મદ ગની ખાન તેમ જ ચેલારામ મીઠારામ બે મળી ગયા. પરંતુ અર્નબ પાલ નો હજી પત્તો નથી. ૭૨ કલાક થયા પોલીસ, બીએસએફ અને વન વિભાગના ૧૨૫ જવાનો આ ગુમ શુદા ઈજનેરની ડ્રોન કેમેરા, વાહનો તેમ જ પગીની મદદથી શોધખોળ કરી રહ્યા છે પરંતુ હજી સુધી પત્તો મળ્યો નથી. ગામ લોકોની પણ મદદ લેવાઈ રહી છે.