રાજકોટ તા. ૧૨: ચોટીલાના પોપટપરામાં રહેતાં સોમીબેન સાજણભાઇ બથવાર (ઉ.વ.૫૦) નામના મહિલાએ રાતે સાડા નવેક વાગ્‍યે ઘરે ઝેરી દવા પી લેતાં ચોટીલા સારવાર અપાવી રાજકોટ સિવિલ હોસ્‍પિટલમાં ખસેડાયા હતા. પરંતુ અહિ મોડી રાતે દમ તોડી દેતાં પરિવારમાં શોક છવાઇ ગયો હતો.

આપઘાત કરનાર સોમીબેનના પતિ ખેતી કરી ગુજરાન ચલાવે છે. સંતાનમાં બે પુત્ર અને ત્રણ પુત્રી છે. સગાના કહેવા મુજબ સોમીબેનને ચારેક વર્ષથી માનસિક બિમારી લાગુ પડી હોઇ ખુબ દવા કરાવી હોવા છતાં ફરક ન પડતાં કંટાળીને આ પગલુ ભર્યુ હતું.