મીઠાપુરઃ ઓખામંડળ તાલુકાનાં ઔધોગિક શહેર મીઠાપુર ખાતે વિશ્વ રત્‍ન મહામાનવ ડો. બાબાસાહેબ આંબેડકરની ૧૩૪મી જન્‍મજયંતિની શાનદાર ઉજવણી કરવામાં આવી હતી. આ તકે આયોજિત મહા રેલી માં મોટી સંખ્‍યા માં એસ. સી. એસ.ટી. ઓ.બી. સી તેમજ લઘુમતી સમુદાયના લોકો સહર્ષ જોડાયા હતા. આ મહારેલીને ઠેરઠેર આવકાર મળયો હતો તથા અનેક સ્‍ટોલ પણ રાખવામાં આવ્‍યા હતા. આ વખતે આ રેલીમાં સમાજની નાની નાની બાળાઓ દ્વારા સુંદર તલવાર રાસ પ્રસ્‍તુત કરવામાં આવ્‍યો હતો જે આકર્ષણનું કેન્‍દ્ર બની ગયો હતો. આ ઉપરાંત મહિલાઓ પણ મોટી સંખ્‍યા માં ઉપસ્‍થિત રહ્યા હતાં. ડી જે ના સથવારે તેમજ લાઇવ ઓરકેસ્‍ટ્રા સાથે ભારે આતાષબાજી સાથે આ મહા રેલી મીઠાપુર સુરજકરાડીના રાજમાર્ગો પરથી પસાર થઈ હતી અને અંતે મીઠાપુરના ઝંડા ચોક ખાતે રેલીનું સમાપન થયું હતું. ચુસ્‍ત પોલીસ બંદોબસ્‍ત વચ્‍ચે શાંતિપૂર્ણ વાતાવરણમાં આ રેલીની પૂર્ણાહુતિ થઈ હતી.(તસ્‍વીર - અહેવાલ દિવ્‍યેશ જટણીયા મીઠાપુર)(૨૩.૧૨)