(વિનોદ ગાલા દ્વારા)ભુજ તા.૩૦ : કચ્છના રાપર તા.ના પલાસવા ગામે ખેતરમાં પ્રેમી યુગલના ઝાડ ઉપર લટકી ગયેલી મૃત હાલતમાં મળેલી લાશ બાદ ગમગીની સાથે ચકચાર પ્રસરી હતી. દરમ્યાન આ અંગે પોલીસે આપેલી માહિતી પ્રમાણે રાપરના અમરાપર ગામના ૩૦ વર્ષીય કાનજી દેવા કોળી અને ૧૯ વર્ષીય જમનાબેન ખેતા કોળીની લાશ પલાસવા ગામે ખેતરમાં ઝાડ ઉપર લટકતી હાલતમાં મળી આવી હતી. આ બંને ૨૬/૪ થી ગુમ હતા. મૃતક યુવતી અપરિણીત હતી અને તેના સગાઈ લગ્ન નક્કી થવાના હતા. જ્યારે યુવક કાનજી પરિણીત હતો. પોલીસે વધુ તપાસ હાથ ધરી છે.