મોરબીઃ હળવદ પોલીસ ટીમ વાહનચોરીના ગુનાના ભેદ ઉકેલવા પેટ્રોલિંગમાં હોય દરમિયાન હળવદ વેગડવાવ રોડ પર એક શંકાસ્પદ બજાજ પ્લેટીના બાઈક જીજે ૦૬ એચઆર ૫૬૬૫ સાથે એક ઇસમ નીકળતા તેને રોકી બાઈક અંગે પૂછપરછ કરતા સંતોષકારક જવાબ આપ્યો ના હતો જેથી પોકેટ કોપથી સર્ચ કરતા બાઈક માલિક વાસુદેવ કેશાભાઇ ઈટોદરા રહે ટીકર તા. હળવદ વાળાનું હોવાનું ખુલ્યું હતું જેથી આગવી ઢબે પૂછપરછ કરતા બાઈક હળવદ દશામાં મંદિર પાસેથી ચોરી કર્યાની કબુલાત આપી હતી જેથી પોલીસે આરોપી વનરાજ ઉર્ફે મહેશ ટીનાભાઈ નાયક (ઉ.વ.૨૦) રહે માથક ગામની સીમ તા. હળવદ વાળાને ઝડપી લઈને ચોરાઉ બાઈક કબજે લઈને વધુ તપાસ ચલાવી છે