(હેમેન્‍દ્રકુમાર પારેખ દ્વારા) પોરબંદર, તા. પ :  રાજકોટથી પોરબંદર જતી ટ્રેન બાલવા રેલવે સ્‍ટેશન નજીક પહોંચી ત્‍યારે રાજકોટમાં રહેતા હંસાબેન સવજીભાઇ (ઉ.વ.૬૦) એ ચાલુ ટ્રેઇનમાંથી કુદકો મારી દેતા તેમને ગંભીર ઇજા થતા તેમને પોરબંદરની સરકારી હોસ્‍પિટલે ખસેડાયેલ છે. રાજકોટમાં ઢેબર કોલોનીમાં રહેતા હંસાબેન સવજીભાઇ ચૌહાણ (ઉ.વ.૬૦) રાજકોટ-પોરબંદર ટ્રેનમાં પોરબંદર જઇ રહેલ ત્‍યારે ટ્રેનના બીજા કોચના વ્‍હીલમાં તણખા ઉડયા બાદ આગ લાગ્‍યાની વાતો અન્‍ય મુસાફરો કરતા હોય આ વાત સાંભળીને ગભરાય ગયેલા હંસાબેને  પોતાનો જીવ બચાવવા બાલવા રેલ્‍વે સ્‍ટેશન પાસે ચાલુ ટ્રેનમાંથી કુદકો મારી દેતા તેમને ગંભીર ઇજા પહોંચી હતી.

આ ઘટના અંગે રેલ્‍વે ડીવીઝનના પીઆરઓ સંભવસિંહે જણાવેલ કે રાજકોટ-પોરબંદર ટ્રેઇનમાં આગની ઘટના બની નથી અને આ ટ્રેનમાં આગ લાગ્‍યાનો કોઇ સંદેશો પણ મળ્‍યો નથી. (૯. ૧૪)