લાઠી પોલીસ સ્ટેશન ખાતે પોલીસ ઇન્સ્પેક્ટર સોની સાહેબના અધ્યક્ષ સ્થાને શાંતિ સમિતિની મહત્વપૂર્ણ બેઠક યોજાઈ હતી.બેઠકમાં આગામી તહેવાર દરમિયાન શાંતિ અને કાયદો વ્યવસ્થાનું જાળવવાનું આયોજન ચર્ચાયું હતું.

   આ બેઠકમાં લાઠી શહેર ભાજપના પ્રમુખ ધર્મેશભાઈ સોનીએ હાજરી આપી અને મહત્વપૂર્ણ વ્યક્તવ્ય આપ્યું હતું . તેઓએ તહેવારો દરમ્યાન શાંતિપૂર્ણ વાતાવરણ જળવાઈ રહે, સૌહાર્દ અને એકતાની ભાવનાથી દરેક સમાજ એકબીજાનો સહયોગ કરે તે જરૂરી હોવાનું જણાવ્યું હતું . તેઓએ સૌ લોકોને તંત્ર સાથે સહકાર આપવા અને જવાબદાર નાગરિક તરીકે શાંતિ જાળવવા અપીલ કરી હતી .