<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Friday, 27th June 2025

રાજ્‍ય સરકારના ભગીરથ પ્રયાસોને કારણે શાળાઓમાં ડ્રોપઆઉટ રેશિયો ૪૧% થી ઘટી માત્ર ૨%એ પહોંચ્‍યો રાઘવજીભાઈ પટેલ

શૈક્ષણિક સફળતાનો ઉત્‍સવ, શાળા પ્રવેશોત્‍સવ જામનગર જિલ્લાના જાંબુડા, અલિયા તથા બાળા ખાતે કળષિમંત્રી રાઘવજીભાઈ પટેલના અધ્‍યક્ષ સ્‍થાને શાળા પ્રવેશોત્‍સવ કાર્યક્રમ યોજાયો શાળામાં પ્રવેશ મેળવનાર બાળ વિદ્યાર્થીઓને શૈક્ષણિક કીટ અર્પણ કરીને મંત્રી દ્વારા ઉષ્‍માભેર આવકાર અપાયો

(મુકુંદ બદિયાણી દ્વારા) જામનગર, તા.૨૭: ગુજરાતના કળષિ, પશુપાલન, ગૌ સંવર્ધન, મત્‍સ્‍યોદ્યોગ, ગ્રામ વિકાસ અને ગ્રામ ગળહ નિર્માણ વિભાગના મંત્રી શ્રી રાઘવજી પટેલના અધ્‍યક્ષ સ્‍થાને જામનગર જિલ્લાના જાંબુડા, અલિયા તથા બાળા ખાતે શાળા પ્રવેશોત્‍સવ તથા કન્‍યા કેળવણી મહોત્‍સવનું આયોજન કરવામાં આવ્‍યું હતું. આ પ્રસંગે મંત્રીશ્રીએ શાળામાં નવા પ્રવેશ મેળવનાર બાળ વિદ્યાર્થીઓને શૈક્ષણિક કીટ અર્પણ કરી તેમનું ઉષ્‍માભર્યું સ્‍વાગત કર્યું હતું.

આપ્રસંગે કળષિમંત્રી  રાઘવજીભાઈ પટેલે શિક્ષણ ક્ષેત્રે ગુજરાતની પ્રગતિ વિશે જણાવતા કહ્યું કે બાળકોને શિક્ષિત કરવા માટે સરકાર ભગીરથ પ્રયાસો કરી રહી છે, જેના પરિણામે ડ્રોપઆઉટ રેશિયો આજે ૪૧% થી ઘટીને માત્ર ૨% પર પહોંચ્‍યો છે.બાળકોને ઉત્તમ શિક્ષણ મળે અને તેમનું યોગ્‍ય ઘડતર થાય તે માટે સરકાર સતત પ્રયત્‍ નશીલ છે.આજે રાજ્‍યના મુખ્‍યમંત્રીથી લઈને ઉચ્‍ચ અધિકારીઓ સુધી સૌ કોઈ શાળાઓમાં પહોંચી નવા વિદ્યાર્થીઓને ઉમળકાભેર આવકારી રહ્યા છે, જે સરકારની શિક્ષણ પ્રત્‍યેની સામૂહિક પ્રતિબદ્ધતા દર્શાવે છે.મંત્રીશ્રીએ વધુમાં ઉમેર્યું કે રાજ્‍યના તત્‍કાલીન મુખ્‍યમંત્રી અને હાલના વડાપ્રધાન શ્રી નરેન્‍દ્રભાઈ મોદીએ ગુજરાત શિક્ષણ ક્ષેત્રે આગળ વધે તે માટે શરૂ કરેલા ‘શાળા પ્રવેશોત્‍સવ' અને ‘કન્‍યા કેળવણી મહોત્‍સવ' જેવા કાર્યક્રમોએ મહત્ત્વપૂર્ણ ભૂમિકા ભજવી છે.આ કાર્યક્રમોના અમલના પરિણામે આજે દીકરીઓના શિક્ષણ સ્‍તરમાં નોંધપાત્ર વધારો થયો છે.અંતે, મંત્રીશ્રીએ ઉપસ્‍થિત સૌને રાજ્‍ય સરકાર દ્વારા અમલમાં મુકાયેલી શિક્ષણ ક્ષેત્રની અનેકવિધ યોજનાઓનો મહત્તમ લાભ લઈને પ્રગતિ સાધવા આહવાન કર્યું હતું.

આ પ્રસંગે માધ્‍યમિક શાળા અલિયા ખાતે મંત્રીશ્રી દ્વારા સ્‍માર્ટ કલાસરૂમ તથા કોમ્‍પ્‍યુટર લેબનું લોકાર્પણ કરાયું હતું તેમજ અભ્‍યાસ, રમત-ગમત તથા અન્‍ય ક્ષેત્રે ઉત્‍કળષ્ટ પ્રદાન કરનાર વિદ્યાર્થીઓને મંત્રીશ્રી સહિતના મહાનુભાવો દ્વારા સન્‍માનિત કરવામાં આવ્‍યા હતા.સાથે જ શાળાના વિદ્યાર્થીઓએ પર્યાવરણ, વિજ્ઞાન, ટેકનોલોજી સહિતના વિષયો પર ઉત્‍કળષ્ટ વક્‍તવ્‍ય રજૂ કર્યું હતું.

ઉલ્લેખનીય છે કે ગુજરાત સરકારના ‘‘એક પણ બાળક શિક્ષણથી વંચિત ન રહે'' ના સંકલ્‍પને સાકાર કરવા સમગ્ર જિલ્લામાં શાળા પ્રવેશોત્‍સવ અને કન્‍યા કેળવણી મહોત્‍સવનું આયોજન કરવામાં આવ્‍યું છે.જેમાં આ વર્ષે જામનગર જિલ્લામાં કુલ ૨૫,૧૯૫ બાળકો વિવિધ શૈક્ષણિક સ્‍તરે પ્રવેશ મેળવશે. જેમાં આંગણવાડીમાં ૪,૩૦૭ બાળકો, બાલવાટિકામાં ૭,૩૩૬ બાળકો, ધોરણ ૧ માં ૮,૭૫૨ બાળકો અને ધોરણ ૯ માં ૪,૮૦૦ બાળકોનો સમાવેશ થાય છે.

આ પ્રસંગે હાપા માર્કેટિંગ યાર્ડના ચેરમેમ  મુકુંદ સભાયા, જિલ્લા ભાજપ પ્રમુખ  ડો.વિનુભાઈ ભંડેરી, સમગ્ર શિક્ષા અભિયાન ગાંધીનગરના  અતુલ પંચાલ, પીજીવીસીએલ ના કાર્યપાલક ઈજનેર  પી.સી.પટેલ, ગામના સરપંચશ્રીઓ, આગેવાનો, શાળાના આચાર્યશ્રીઓ, સી.આર.સી., બી.આર.સી., શિક્ષક ગણ, વાલીઓ તથા બહોળી સંખ્‍યામાં વિદ્યાર્થીઓ ઉપસ્‍થિત રહ્યા હતા.

(1:19 PM IST)