જામનગર : લાયન્સ કલબ ઇન્ટરનેશન આંતરરાષ્ટ્રીય કક્ષાએ સેવાકીય કાર્ય કરતી સંસ્થા છે જેમાં ૧૪ લાખથી વધુ સદસ્યો અલગ અલગ ક્ષેત્રે સેવાકીય કાર્યો કરે છે આજ લાયન્સ કલબના ડિસ્ટ્રીકટ ૩૨૩૨ જે ના રિજીયન ૩ નું સ્ફુલિંગ જામનગરમાં યોજવમાં આવ્યું હતું જેમાં જામનગર અને ખંભાળિયાની કલબના હોદ્દેદારો ઉપસ્થિત રહ્યા હતા.
જામનગરના વાલકેશ્વરી નગરી વિસ્તારમાં આવેલી હોટલ આતિથ્યમાં લાયન્સ કલબ ડિસ્ટ્રીકટ ૩૨૩૨જે નું વાર્ષિક સ્ફુલિંગ યોજાયું હતું જેનું દીપ પ્રાગટય કરી ઉદ્ઘાટન વાઇસ ડિસ્ટ્રીકટ ગર્વનર નિરવભાઈ વડોદરિયા, પૂર્વ ડિસ્ટ્રીકટ ગવર્નર મીનાબેન કોટેચા,મોનાબેન શેઠ,ગીતાબેન સાવલા,બીપીનભાઈ શેઠ અને ભરતભાઇ બાવીસી તેમજ રિજીયન ચેરમેન જગતભાઈ રાવલ દ્વારા કરવામાં આવ્યું હતું.
કાર્યક્રમની શરૂવાત માં રાષ્ટ્રધ્વજ વંદના લાયન્સ કલબ ઓફ જામનગર વેસ્ટ ના પ્રમુખ ભવ્યભાઈ જોષી દ્વારા અને મેહમાનો નો પરિચય ઝોન ચેરમેન ધ્રુવીબેન સોમપુરા,સુરેશભાઈ રાડીયા દ્વારા આપવામાં આવ્યો હતો,આ તકે ભુજ થી ખાસ ડિસ્ટ્રીકટ ગવર્નર અભયભાઈ શાહે વર્ચ્યુઅલી વિડીયો કોલના માધ્યમથી જોડાય માર્ગદર્શન પૂરું પાડ્યું હતું.
વ્યક્તિ વિકાસ અને લીડરશીપના અલગ અલગ વિષય પર રોહિતભાઈ જોષી, પ્રકાશભાઈ નંદા,હીમાંશુભાઈ જાની અને સંજયભાઈ ખંડેલવાલએ પાવર પોઇન્ટ પ્રેઝન્ટેશન દ્વારા ખૂબ સુંદર માહિતી પૂરી પાડી હતી અને આગામી કાર્યક્રમ અંગે જણાવ્યું હતું.
લાયન્સ કલબના પૂર્વ ડિસ્ટ્રીકટ ગવર્નર દ્વારા આગામી વર્ષના પ્રમુખ,ઉપ પ્રમુખ,મંત્રી,ખજાનચી તેમજ ડિસ્ટ્રીકટ કેબિનેટના સદસ્યોને વિશેષ માર્ગદર્શન આપવમાં આવયુ જેમાં બીપીનભાઈ શેઠ,ગીતાબેન સાવલા અને વાઇસ ડિસ્ટ્રીકટ ગવર્નર નિરવભાઈ વડોદરિયા એ ટીમવર્ક,રિપોટિંગ,મિટિંગનું આયોજન તેમજ સેવાકીય કાર્યો અંગે માર્ગદર્શન પૂરું પાડ્યું હતું આ તમામ ફેકલ્ટીને મોમેન્ટો આપી સન્માન રિજીયન ચેરમેન જગત રાવલ દ્વારા કરવામાં આવ્યું હતું
જામનગર અને ખંભાળિયા ની કલબ મળી કુલ ૫૦ હોદ્દેદારો અને ૨૦ કેબિનેટના સદસ્યો આમંત્રિત મેહમાનો આ સેમિનારમાં ઉપસ્થિત રહ્યા હતા, રિજીયન ૩ના સેમિનારનું સુંદર આયોજન કરવામાં માટે અને રિજીયન ચેરમેનપદ માટે લાયન્સ કલબ વેસ્ટ દ્વારા ચેરમેન જગત રાવલને મોમેન્ટો અને શાલ અર્પણ કરી સન્માનિત કરવામાં આવ્યા હતા, કાર્યક્રમનું સંચાલન જાણીતા એન્કર અશ્વિનભાઈ કોટેચા દ્વારા કરવામાં આવ્યું હતું,જ્યારે આભારવિધિ અતુલભાઈ વિરાણી દ્વારા કરવામાં આવી હતી.
સમગ્ર રિજીયન સ્ટાફ મિટિંગ અને સ્ફુલિંગ ને સફળ બનાવવા માટે રિજીયન ચેરમેન જગત રાવલ,ઝોન ચેરમેન ધ્રુવીબેન સોમપુરા,સુરેશભાઈ રાડીયા અને જામનગર લાયન્સ પરિવારના સદસ્યોએ જહેમત ઉઠાવી હતી.