(મુકુંદ બદિયાણી દ્વારા) જામનગર, તા.૧૩: પવિત્ર શ્રાવણ માસના તહેવારોના ક્રમમાં આવતા અત્‍યંત મહત્‍વપૂર્ણ એવા બોળ ચોથ, જે ગાયચોથ તરીકે પણ જાણીતું છે, તે પર્વની જામનગર શહેરમાં ગઈકાલે સોમવારના રોજ શ્રદ્ધા અને ઉમંગભેર ઉજવણી કરવામાં આવી હતી. શહેરના વિવિધ વિસ્‍તારોમાં સવારથી જ ધાર્મિક માહોલ જોવા મળ્‍યો હતો. ખાસ કરીને મહિલાઓ દ્વારા આ વ્રતનું વિશેષ મહત્‍વ હોવાથી, રહેણાંક વિસ્‍તારોમાં મહિલાઓ અને અનેક નાના-મોટા મહિલા સત્‍સંગ મંડળો દ્વારા સામૂહિક રીતે ગૌ-પૂજનના કાર્યક્રમોનું આયોજન કરવામાં આવ્‍યું હતું.

ગઈકાલે સવારે આશરે આઠ વાગ્‍યાથી લઈને બપોરના બાર વાગ્‍યા સુધી આ ઉજવણીનો ધમધમાટ ચાલ્‍યો હતો. પરંપરાગત વિધિ-વિધાન અનુસાર, બ્રાહ્મણો દ્વારા મંત્રોચ્‍ચાર સાથે ગાય અને તેના વાછરડાનું પૂજન કરાવવામાં આવ્‍યું હતું. વ્રત રાખનાર બહેનોએ ગાય માતાને તિલક, પુષ્‍પ અને વષા અર્પણ કરી તેમની આરતી ઉતારી હતી અને પોતાના સંતાનોના દીર્ઘાયુ અને સુખાકારી માટે ઙ્કાર્થના કરી હતી. ગૌ-પૂજનની વિધિ સંપન્ન થયા બાદ, બોળ ચોથના વ્રત સાથે જોડાયેલી પૌરાણિક વાર્તાનું શ્રવણ કરવામાં આવ્‍યું હતું, જેનું શ્રવણ કરવું એ આ વ્રતનો એક અભિન્ન અંગ મનાય છે.

આ ધાર્મિક કાર્યક્રમ માત્ર પૂજા-પાઠ સુધી સીમિત ન રહેતા, એક ભક્‍તિમય સત્‍સંગમાં પરિવર્તિત થયો હતો. ઉપસ્‍થિત બહેનોએ ભગવાન શ્રીકળષ્‍ણ અને ગાય માતાના ગુણગાન ગાતા ભજનો અને કીર્તનની રમઝટ બોલાવી હતી, જેનાથી સમગ્ર વાતાવરણ ભક્‍તિરસથી તરબોળ થઈ ગયું હતું. આસ્‍થા અને આનંદના આ સુભગ સમન્‍વયમાં, ઘણી જગ્‍યાઓએ બહેનોએ પરંપરાગત રાસ રમીને પણ પોતાની શ્રદ્ધા અને ખુશી વ્‍યક્‍ત કરી હતી.

આ પવિત્ર દિવસે, વ્રત રાખનાર બહેનો ઘઉંની બનેલી કોઈ પણ વાનગી કે છરી- ચપ્‍પુ થી કાપેલી કોઈ વસ્‍તુ ખાવાનો ત્‍યાગ કરતી હોય છે, જે પરંપરાનું પણ સૌએ પાલન કર્યું હતું. આમ, જામનગર શહેરમાં બોળ ચોથના પર્વની ઉજવણી સંપૂર્ણ રીતે શાષાોક્‍ત વિધિ અને લોકપરંપરા અનુસાર ખૂબ જ ભક્‍તિભાવપૂર્વક સંપન્ન થઈ હતી, જેમાં શહેરના અસંખ્‍ય મહિલા મંડળોએ જોડાઈને આ દિવસની શોભામાં અભિવળદ્ધિ કરી હતી.