ભુજ : ગાયને ‘રાજ્યમાતા’ જાહેર કરવાની માંગણી સાથે ભૂજના એકલધામના મહંત દેવનાથ બાપુ દ્વારા ઉપવાસ આંદોલનની જાહેરાત કરવામાં આવી છે. આ આંદોલનમાં સાધુ-સંતો પણ જોડાશે અને આગામી 25 ઓગસ્ટથી ઉપવાસ પર ઉતરશે. દેવનાથ બાપુએ જણાવ્યું કે આ ઉપવાસ આંદોલન ભુજ કલેક્ટર કચેરી સામે ધરણાં સાથે શરૂ કરવામાં આવશે. 

  આ માંગણીને દ્વારકા પીઠના શંકરાચાર્ય સજાનંદજી મહારાજે પણ પોતાનું સમર્થન આપ્યું છે, જેના કારણે આ આંદોલનને વધુ વેગ મળ્યો છે. આ આંદોલન સરકાર પર ગાયના સંરક્ષણ અને સન્માન માટે કાયદાકીય પગલાં ભરવા માટે દબાણ લાવવાનો પ્રયાસ છે.